رواية قلبي دمر مخططاتي بقلم الكاتبة ريناد يوسف جميلة جدا

رواية قلبي دمر مخططاتي بقلم ريناد يوسف
قربت مني وهي مبرقه عنيها ودبت بعصايتها في الارض وقالتلي بتحذير
حرر المحبوس يامحمود قبل ماتدور الدواير والقيود تتفك من اديه وتتحط فأديك طلع الغريق من الميه والڠرق الكداب طلع المدفون بالحيا من قپره وخلص روحك من عڈاب مستنيك ياكده ياتنتظر نفس الكاس اللي سقيت منه غيرك لانه جايلك وهتشرب منه برضاك او ڠصب عنك 

وزعقت بصوت عالي رعبني
حييي والمېت حييي مدد ياصاحب المدد فرجك ياصاحب الڤرج قرب خلاص وهتترد المظالم
دا كان كلام زوبه المجذوبه ليا واللي قالتهولي وانا قاعد في وسط الناس عالقهوة ومشيت 
وطبعا عشان مجذوبه وعقلها على قده الكل خد كلامها على إنه تخاريف وحده مريضه وعقلها تعبان زي عادتهم 
لكن انا الوحيد اللي كنت عارف هي بتتكلم عن ايه وتلميحها انا بس اللي فاهمه
روحت البيت وانا بفكر في كلامها واسأل نفسي
ياتري عرفت السر اللي محدش في الدنيا يعرفه غيري إزاي ياتري شافت حاجهولا هي صحيح زي مالناس بتقول عنها مكشوف عنها الحجاب
فضلت محتار في كلامها اللي مش اول مره تقولهولي واللي كانت في البدايه تقوله بينها وبيني وكان في هيئة تلميح مش كلام صريح وواضح زي النهارده 
كانت قبل كده تقولي
افتح القفص للعصفور وخليه يرفرف بجناحاته من تاني فدنية ربنا الواسعه وبطل أسر اللي خلقه ربنا حر 
كنت في البدايه فاكرها بتتكلم علي عصافيري اللي مربيهم في بيتي وحاططهم في البلكونه وكل الناس شايفاهم وقلت يمكن شافتهم وصعبوا عليها زي مراتي اللي دايما تقولي حررهم وعايزه تفتحلهم القفص وتطيرهم 
انما دلوقتي وضحلي قصدها من كلامها
وبالذات وهي بتتكلم عن التربيط والڠرق دي لو فعلا صدفه تبقي اغرب صدفه في الدنيا 
القلق اتملك مني جدا وكلامها المرادي خوفني وقلت لنفسي
هو معقول كلامها يتحقق والادوار تتبدل والسر ينعرف لا دا انا كده هبقا رحت في ستين الف داهيه 
جاتني مراتي لما لقتني قاعد شارد وسألتني
مالك يامحمود شايل الهم ليه فيه حاجه حصلت معاك ولا ايه 
رديت عليها وقولتلها
هاه لا ابدا مفيش متاخديش فبالك هاه قوليلي الولاد اتغدو وامي اكلت 
هناء
ايوه اتغدوا وذاكرو ودخلو ينامو ساعه ومرات عمي كمان اكلتها وحميتها ورجعتها في سريرها تحب احضرلك الغدا 
رديت عليها وقولتلها
اه حضريه وحطي اكل زياده زي ماموصيكي 
هناء راحت بدون مناقشه حضرتلي الغدا وكترت الاكل زي ماموصيها وادتلي الصينيه وانا كالعاده اخدتها ورحت بيها عالجنينه الخلفيه بتاعة البيت وهي طبعا مسألتش لأنها عارفه اني رايح آكل واكل معايا الكلب بتاعي بيتو 
واللي عارفه اني بحبه وبعتبره واحد من ولادي مش مجرد كلب 
واني بنسا الدنيا وانا قاعد جنبه بالساعات 
وعشان في الفتره الاخيره بقى عڼيف وشرس كنت مانع اي حد من البيت يقرب منه او من الجنينه الخلفيه عموما لانه هيتصرف بعدوانيه مع اي حد يقتحم منطقته وعشان كده مخليه لحراسة البيت والجنينه الخلفيه
ومكتفي بيه عن الكاميرات اللي حاططهم على بوابة البيت الرئيسيه 
وصلت الجنينه ورحت على مكان بيتو وحطيتله من الاكل المخصوص بتاعه وبعدت عنه بسرعه قبل مايهجم عليا 
بعدت وانا بلعنه فسري لانه لغاية دلوقتي وبعد كل السنين دي لسه مش ناسي اللي حصل ولا راضي يتعود عليا ويحبني برغم اني انا الوحيد اللي بهتم بيه وبأكله واشربه ومتهيألي الكلب الوحيد اللي كسر قاعدة الحيوانات اللي بتتعود على صاحبها اللي بياكلها ويراعيها وبيتصرف معايا وكأنه بني آدم شال من حد بعد ما شافه على حقيقته وحلف مايصفاله تاني لاخر العمر 
قعدت بعيد عنه اكل وانا باصصله وشايفه وهو باصصلي پغضب وبيزوم حتى وهو بياكل وكانه بيقولي مش ناسي اي حاجه ولا هتقدر بالاكل دا تخليني احبك واخلصلك واوفيلك ابدا 
خلصت اكل وحطيت الاكل اللي فضل مني في اطباق فويل من اللي بخليها دايما في الجنينه وفتحت باب المخزن ودخلت اعمل مهمتي اليوميه اللي مفيش مفر منها غبت ساعه وخرجت اخدت الاطباق الفاضيه ورحت وديتها لهناء مراتي وبعدها رحت لأمي اوضتها اقعد معاها على ما ادهم ومرام ولادي يصحوا والعب معاهم شويه قبل مااروح شغلى مره تانيه 
دخلت على امي وبإبتسامه قربت منها وقولتلها
مساء الخير ياأمي ازيك النهارده وازي صحتك 
ردت عليا وهي بتبادلني الابتسامه وقالتلي
مساء الهنا ياحبيبي انا بخير يابني الحمد لله طول ماانت بخير وسعيد انا
بخير ربنا يخليك ليا ياطرح قلبي 
مسكت ايدها وبوستها وانا فرحان بجملتها الاخيره دي فرحه تعادل الكون بحاله 
ايوه الكلمه دي مفعولها عليا مفعول السحر وبحب اسمعها من امي وعمري مابشبع منها 
سألتها وانا بدلك في رجلها
هاه طمنيني عن رجليكي بيتحسنوا مع العلاج الطبيعي ولا ايه لو الدكتوره دي علاجها وجلساتها مش جايبين نتيجه قوليلي نغيرها 
ردت عليا وقالتلي
لا يبني انا بتحسن الحمد لله وحاسه ان الاحساس هيبتدي يرجع تاني لرجليا واحتمال اقدر ارجع امشي مره تانيه هي بس مسألة صبر ووقت زي ماقالت الدكتوره وانا صابره يبني وبعدين يعني انا محتاجه المشي فأيه الا عشان ادخل الحمام واخفف الحمل عن هناء مراتك شويه 
انما غير كده انا لا عايزه امشي ولا اتحرك من البيت انا يابني خلاص رضيت بحالي وحمدت الله عليه 
رديت عليها بعتب
لا ياامي متقوليش كده بإذن هتخفي وترجعي تمشي وتبقي زي الفل انا عايزك تملى البيت والدنيا تاني بخطاويكي عايزك حواليا يااميعايزك تلعبي مع احفادك اللي فضلتي سنين تتمنيهم ولاد هناء ومحمود 
الام
ربنا يسهل ياحبيبي كله بامر الله خلصت كلامها وظهرت مسحة حزن في عيونها ودمعه لمعت فيهم حالا دارتها وهي بتقولي
طب يلا روح صحيلي عيالك العفاريت دول وقلهم كفايه نوم وحشتوا جدتكم وعايزه تقعد معاكم
رديت عليها وانا بقوم وقولتلها
حاضر ياامي حالا هصحيهم واجيبهملك 
خرجت من جنبها ومشيت لغاية اوضة الولاد ودخلت وقبل مااصحيهم طلعت تليفوني
واتصلت برقم واول مارد عليا همست پغضب
ايوه يادكتوره ايه اللي سمعته النهارده ده امي ابتدت تحس برجليها وبتقول انها قربت تخف وترجع تمشي من تاني عارفه دا لو حصل انا هعمل فيكي ايه ماهو انا مفضلش اديكي كل شويه فلوس قد كده وفي الاخر امي تخف وترجع تمشي دا لو حصل هتدمر وادمرك معايا 
ردت عليا الدكتوره وقالت
متقلقش يامحمود باشا دا إحساس عادي وهي فعلا ممكن ترجع تقدر تقف علي رجليها بس صدقني مش هتقدر تخطي اكتر من خطوتين وتقع انا بديها اللي يعملها هشاشه في العضم ويضعفها وميخليش عندها اي طاقه تمشي او حيل تصلب طولها حتي ولو حصل ومشيت ممكن مع اقل حركه ومجهود رجلها او دراعها يتكسر متقلقش انا عارفه انا بعمل ايه كويس اوووي اطمن 
رديت عليها بهمس وقولتلها
ماشي يادكتوره هطمن واسكت لما اشوف اخرتها ايه 
قفلت معاها واتفاجئت ببنتي الكبيره مرام اللي عندها خمس سنين صاحيه وسألتني بفضول الاطفال المعتاد
بابا هو انت ليه مش عايز تيته ترجع تمشي 
رديت عليها بسرعه وانا بحاول اتوه الكلام
ليه ياحبيبتي بتقولي كده انتي فهمتي غلط انا عايزها تمشي بسرعه مش تمشي بعد مده طويله انا بستعجل الدكتوره عشان تشد حيلها في علاج جدتك وترجع تمشي قوام 
سكتت مرام ودعيت انها تكون دخل عليها كلامي مع انها ذكيه جدا ولماحه وكلامها كتير واتسلل الخۏف لقلبي من ناحيتها بس رجعت طمنت نفسي انها طفله ومحدش هيصدقها اكيد حتى لو اتكلمت وقالت اصله كلام ميدخلش عقل حد 
صحيت الولاد واخدتهم عند جدتهم وفضلت العب معاهم شويه 
وبعدها سبتهم ورحت لهناء مراتي اقعد معاها شويه هي كمان واتكلم معاها واسألها لو محتاجه حاجه اصلى حاسس الفتره اللي فاتت دي إنها بعدت عني من بعد ماابتدت تندمج معايا واخيرا تعاملني كزوج وتتقبلني وابتدا يكون فيه مابينا موده ورحمه من بعد ماكنت فقدت الامل إن دا يحصل في يوم من الايام 
قعدت مع هناء ومع الساعه ٤ بالظبط وفميعاد كل يوم ابتدا بيتو ينبح بهستريا ويعمل الدوشه اللي بيعملها فنفس الميعاد ده كل يوم وبصيت لهناء لقيتها قامت تبص من الشباك مع انها عارفه انها مش هتعرف تشوفه لكنها دايما تحاول وهمست وهي مش واخده بالها
ياااه يابيتو ٦ سنين ولسه بييجي نفس الوقت وتعمل القلبان ده معقول لسه منسيتش 
وبصتلي وبترجي قالتلي
محمود انا نفسي اشوف بيتو لو سمحت اشوفه مره وحده بس وانا متاكده انه مش ممكن هيأذيني 
رديت عليها بعصبيه وخوف
لا طبعا انتي اكيد بنهزري قولتلك الف مره بيتو من ساعة اليوم اياه وهو اتسعر وجاله سعار ومبقاش يعرف اي حد وبقا عدواني جدا وانا لولا بس انه غالي عليا كنت سمعت كلام الدكتور البيطري واتخلصت منه بس انا العشره مش هاينه عليا ولا
ناسي بيتو
كان بيعمل عشاني وعلشانا كلنا ايه زمان 
ردت هناء بحزن
ياخساره يابيتو حقيقي انا حزينه عليه وكان نفسي يفضل وسطنا لأخر العمر وولادي يتربو ويكبرو فحمايته زي ماحصل معانا لكن للزمن احكام والظاهر إن اي حاجه بنحبها وتحبنا لازم تروح مننا 
خلصت كلامها وقفلت الشباك وجات نامت من سكات وغمضت عنيها وانا عارف انها مش هتنام وان الذكريات هتاخدها لليوم اياه وهتفتكر كل التفاصيل اليوم اللي متأكد انها لا هتنساه ولا هيغيب عن بالها مهما عدت السنين 
بالظبط زي بيتو بس الاختلاف إن بيتو شاف اللي خلاه اتحول ٣٦٠ درجه اما هي فوقفت عند مرحله معينه ودا خلى صډمتها اخف مع انها كانت شديدة اوي عليها
يتتتبع 
بقلم ريناد يوسف
كلبي دمر مخططاتي
خرجت وسبت هناء في الأوضه نايمه او عامله نفسها نايمه بمعنى اصح ودخلت على اكتر أوضه بكرهها في البيت أوضة الذكريات
رحت عالمكتب وقعدت وابتديت افتح الادراج بمفاتيحها اللي معايا انا بس واطلع كل اللي فيها طلعت المستندات والاوراق بتاعة الاملاك والصور والاجنده والجوابات والتليفون الحاجات دي كلها بتاعة 
احمد اخويا اللي ماټ من ست سنين
مسكت الاجنده اللي كل حرف فيها بيغرز سکينه فقلبي كل مااقراه ومع ذلك مش بقدر ماارجعش واقرا كل الكلام في كل مره 
في البدايه شفت الصور وحنيت لذكرياتنا وخصوصا صور طفولتنا لكن كل الحنين اختفى وانا بفتح الاجنده علي صفحه انا معلمها واقرا اللي مكتوب فيها 
النهارده ٢٢ نوفمبر حصلت حاجه غيرت مجرى حياتي رحت بيت عمي وهناك شفت هناء بنت عمي اللي رجعت البيت في اجازة نص السنه بتاعة الكليه هناء من صغرنا وانا بعتبرها اختي بحكم اننا متربيين سوا انا وهي ومحمود اخوياورابعنا كان بيتو الكلب بتاعي اللي جابهولي بابا الله يرحمه في عيد ميلادي ومن ساعتها وهو صاحبنا ورفيق طفولتنا وشبابنا 
والنهارده هناء فاجأتني بحاجه غريبه!
طلبت مني اننا نخرج نتمشى مع بعض واعترفتلي انها بتحبني وانها استنت كتير اوي عشان تقدر تحدد مشاعري تجاهها 
لكنها مشافتش مني