جاري الشبح الرابع و الخامس

معاهم انطفت سعتها كل واحد فيهم نسى اخوه او مراته وكل واحد فيهم هرب لاى مكان داخل البيت مش مهم رايح فين المهم انه يستخبى من الخيال ده باى شكل من الاشكال .
فى اللى استخبى بدولاب واللى استخبى تحت سرير المصېبه انهم فكرين انهم كده هربوا من الخيال ده وانه مش هيوصلهم ميعرفوش انهم سهلوا الموضوع عليه علشان يقدر يرعبهم ويعمل فيهم زى ما هو عاوز .
بداء صاحب الخيال الاسود يصطاد فى افراد العائله واحد ورا التانى اول حد بداء بيه كان يحيى يحيى كان مستخبى فى غرفه شبه مضلمه كان واقف جوه احد الدواليب بيبص من فتحه باب الدولاب على باب الغرفه كان ثابت مش بيتحرك خاېف حتى يتنفس بصوت عالى شويه فالشبح يسمعه تخيل نفسك واقف فى دولاب وبتبص منه على الباب وتلاقى الباب ده بيتحرك وحاجه غريبه وقفه قدام الباب ده وفجأه تليفونك يرن .

ده بالظبط اللى حصل مع يحيى تليفونه رن تنبيه ان جاله رساله حط يحيى ايده فى جيبه وخرج تليفونه علشان يقفل الصوت بس لما شاف الرساله لقى مكتوب فيها بص جنبك .
فى الاول مفهمش يحيى يعنى ايه بص جنبك بس حس بان فى حركه جنبه فى الدولاب وجه اضاءه شاشه التليفون جنبه ولقى الشبح واقف جنبه بينه وبين يحيى اقل من عشره سنتى سعتها يحيى اغمى عليه من الخۏف والړعب .
نسيب يحيى ونروح مكان تانى غرفه اجتمع فيها الحاجه مريم والحاج سيد ومعاهم بنتهم مروه كانوا مستخبين فى الاوضه وحتى الحاجه مريم اللى كانت بتقراء قرءان لما كانت ډخله البيت بطلت ده طبعا بسبب الخۏف حست انها مش فاكره حاجه من القرءان اللى حفظاه ودخل الشبح الاوضه دى وكانوا الثلاثه مستخبين ورا كنبه كبيره وكل واحد فيهم حاطيط ايده على راسه وبيرتعشوا من الخۏف واقترب الشبح منهم وفجأه لقوه واقف قدامهم سعتها فقدوا الوعى هما الثلاثه .
مفضلش موجود مستيقظ غير هدى ومصطفى وسامح ودوول استخبوا تحت سرير الثلاثه جنب بعض مستخبين تحت سرير ودخل الشبح الاوضه وعلشان يرعبهم حسسهم ان فى حد فوق السرير طبعا الثلاثه كانوا مش محتاجين اى مجهود علشان يغمى عليهم خصوصا لما لاقوا ان السرير بيتحرك من فوقيهم واغمى عليهم الثلاثه .
بعد ساعتين تقريبا ابتدى كل فرد من العيله يصحى وكلهم صحيوا لقوا نفسهم جوه پتهم محدش فيهم افتكر حاجه فى الاول وبداءو يفتكرو اخر حاجه حصلتلهم وكل واحد فيهم مفهمش ازاى رجعوا پتهم وطبعا مكنش موجود حد فى البيت غير اياد وكلهم سألوه مين اللى جابهم هنا .
وسعتها سمعوا كلهم خبط على باب البيت كلهم خافوا ومحدش فيهم قام يفتح الخۏف اتملكهم وكل واحد فيهم تخيل ان اللى على الباب هو الشبح من كتر خفهم خلى عقلهم يقف هو الشبح لو جاى پتهم هيخبط على الباب بس نقول ايه الخۏف وحش .
محدش قام يفتح الباب سعتها راح اياد يفتح الباب ولما فتح الباب قالهم بصوت عالى عمتوا نغم جت .
لا تنسي ذكر الله.
الى هنا يكون نهايه حديثنا اليوم ولكن لم تنتهى روايتنا بعد ارجوا ان تنال اعجابكم ويسعدنا مشاهده تفاعلكم وتعليقاتكم .
لو اى حد حابب ينشر الروايه بصفحته او باى جروب يتفضل بس فضلا انسبهالى لانها مجهودى .
جارى_شبح
روايه جارى شبح الجزء الخامس 
توقفنا قبل كده لما اياد فتح الباب ولقى ان عمته نغم جت .
اذكر الله وصلى على الحبيب المصطفى.
لما الكل سمع اياد وهو بيقول ان نغم جت زى ما يكون روحهم رجعتلهم كله كان متوقع ان الشبح هيكمل ارعبهم .
دخلت نغم وسلمت على الكل بس ملقتش الترحيب اللى كانت بتشوفه كل مره تزور اهلها وكان كل الموجدين لونهم مخطۏف وتحس ان وشهم اصفر طبعا نغم قلقت عليهم وسألت ابوها فى ايه يا بابا انتم تعبنين ولا ايه 
الحاج سيد معرفش يرد على بنته يقولها ايه سكت بس سعتها اتكلمت هدى مرات اخوها مصطفى وحكت لنغم على كل حاجه .
فى وسط ړعب العيله كلها لقوا ان نغم قعدت تضحك بشكل هستيرى على اهلها