سامحيني بقلم ضحى وائل
بهدوء يلا نرجع الفندق انا تعبت وعايز انام.
داليا رامي بجد انت عايز تنام دلوقت رامي انا.......
رامي بضيق يلا يا داليا بقولك تعبان وعايز انام.
ومشي وداليا بتبصله وهو بيمشي وبتقول لنفسها الله يخدك يا خديجة زفت مش عارفة كل لما تيجي سيرتك هو بيتغير كدا ليه.
وجريت عشان تلحقه.
نروح مكان تاني وهو بيت حمزة....
عفاف حمد الله علي سلامتك يا حبيبي تعالي.
حمزة بتعب الله يسلمك يا ست الكل.
وقعد في الكرسي الي قدامها.
عفاف بقلق مالك يا حبيبي بقالك كام يوم بترجع وشك تعبان كدا ليه.
حمزة بتعب ولا حاجة يا ست الكل الشغل كتير بس ومن ساعة ما رامي اتجوز والشغل كله عليا.
عفاف بضيق هو ايه شهر العسل ال بيقعد 3 شهور ده.
عفاف الا قولي يا واد هي مراته دي حلوه.
حمزة شبه العروسه الحلاوة خديجة برقابتها.
عفاف بحزن خديجة... هو فيه زي خديجة ولا هيلاقي زيها ابدا والاه خسارة فيه هي عاملة اي دلوقت.
حمزة بحزن انا لما بكلمها يا امي بتبقى عادي وبتضحك بس انا عارف ان هي بټموت من جواها.
عفاف بحزن طبعا يا حبة عيني اتظلمت كتير او خصوصا لما سابها واتجوز داليا ولا تاليا دي.
عفاف معاك حق والله يابني يلا روح غير هدومك علي ما احضرلك الغدا.
حمزة وهو بينهض حاضر يا امي منحرمش منك.
ومشي وطلع علي اوضته وعفاف راحت تحضر الاكل.
وعدى اليوم عادي من غير احداث جديدة.
والوقت عدى بسرعة لحد ما الساعة جت 3 معادها مع رندة وكانت جاهزة وجهزت الاولاد والساعة 3 بالظبط لقت جرس الباب بيرن فعرفت انها رندة فتحت الباب.
وبعد التحية والكلام العادي.
رندة مش يلا بينا بقا عشان نلحق نرجع قبل الليل.
رندة لا ملكيش فيه انتي مش قولتي هتسبيلي نفسك يبقا ملكيش فيه انا الي هتصرف تعالي الاول نودي الولاد عند ماما واستفرد بيكي.
خديجة ضحكت علي كلام رندة ونزلت معاها.
وبعد ما طلعوا الاولاد عند مامت رندة وسلموا عليها نزلوا وركبوا عربية رنده.
ف العربية.....
خديجة ها بقا ريحين فين.
رندة احنا دلوقت يا ستي هتروح نشتريلك شويه هدوم لزوم النيولوك والشغل وكدا.
وبعد مدة وصلوا لوجهتهم ونزلوا ردخلوا المول.
ورندة فضلت تشتري لخديجة كل انواع اللبس لدرجة ان خديجة اعترضت ان ده كتير اوي عليها بس رندة كان علي لسانها كلمة واحدة بس وهي اخرسي وكانت خديجة بتسكت فعلا لحد ما خلصوا واشتروا هدوم كتير لخديجة.
خديجة والله حرام عليكي الهدوم دي كلها كتير عليا اوي.
رندة ولا كتير ولا حاجه انتي طالعة علي شغل وهتتعرفي علي ناس يبقا ده مهم جدا وبعدين انا مش قولت اخرسي.
خديجة بضحك حاضر خرست اهو.
رندة فضلت تبص علي وش خديجة وتلف حوليها.
خديجة باستغراب في اي يا بت مالك.
رندة شششششش اسكتي.
وكملت الي بتعمله.
رندة اممممممممم احن دلوقت محتاجين نروح لصالون تجميل.
خديجة باسغراب صالون تجميل لييه
رنده محتاجين نغير لون شعرك ونخليهم يعتنوا ببشرتك شوية.
خديجة لا شعري لا انا بحبه كدا مش عايزه اغيره.
رندة لا هتغيريه وتقصيه قصة حلوه كمان وهتسمعي الكلام وانتي ساكته يلا.
وفعلا راحوا لصالون التجميل ورندة خلتهم يقصوا شعر خديجة قصة حلوة اوي وكان ده طبعا تحت اعتراض خديجة بس ده مغيرش حاجه وغيرت لون شعرها للون الاشقر وكان جميل جدا عليها ومحليها عن الاول بكتير واهتموا ببشرتها واتفقت معاهم انهم هيجوا كل اسبوع وبعد ما طلعوا من الصالون خديجة كانت واحدة تانية خالص واحدة احلي بكتير وواثقة من نفسها وجمالها بعد الي شافته جوه بعنيها وشافت صورتها ف المراية.
رندة يا خړابي علي الجمال يا ناس لا حقيقي حقيقي بقيتي مزه.
خديجة بضحك يا سلام.
رندة اه والله ده انا خاېفه عليكي تتعاكسي دلوقت.
خديجة طب اي هنعمل اي دلوقت.
رندة لا دلوقت هنروح نجيب الاولاد ونروح وبكرا نروح الشركة ونقدملك ع الشغل وان شاء الله هتتقبلي بسرعة جدا لان محتاجين مهندسين ديكور جدا وانا مش هلاقي احسن منك.
خديجة بفرحة واخيرا يا رندة هشتغل وهلاقي نفسي وهعمل كل حاجه.
رندة ايوا يا قلبي خلاص من بكرا نقدم وهتتقبلي بسرعه ان شاء الله يلا نروح.
وفعلا راحوا واخدوا الولاد وروحوا كانت الدنيا ليل واليوم خلص
وعدي الاسبوع وف الاسبوع ده خديجة قدمت ف الشغل واتقبلت وكانت ھتموت من الفرحة لانها بدأت شغل.
والنهارده معاد وصول رامي وداليا.
واول ما رامي وصل وصل داليا عند اهلها وقال هروح المكتب يا حبيبتي وارجع اخدك ونروح.
داليا اوك هستناك.
وراح المكتب فعلا...
حمزة اهلا حمدالله بالسلامة يا عريس الهنا.
رامي الله يسلمك ياعم ها الشغل عامل ايه.
حمزة وهيكون عامل اي متكوم فوق دماغ اهلي وخلاص هفرقع منك ناس تتفسح وناس تتسوح.
رامي بضحك لا ده انت معبي بقا.
حمزة خد خد اشتغل وكفايا رغي يلا.
وخلصوا شغل وجه معاد قفل المكتب.
حمزة يلا انا ماشي مش قادر اقعد اكتر من كدا عشان لو قعدت اكتر من كدا هطبق ف زمارة رقبتك.
رامي لا وعلي ايه يلا.
وفعلا مشيوا حمزه لا البيت ورامي راح يجيب داليا ويروحوا.
وراح اخدها وروحوا واول ما وصلوا قال اطلعي انتي يا داليا وانا هحصلك.
داليا ليه رايح فين.
رامي هروح اطمن علي ولادي و..وخديجة.
داليا بغيرة وتطمن علي خديجة بتاع ايه بقا ان شاء الله.
رامي بصرامة انا قولت اطلعي علي فوق يا داليا وانا هصلك مش هعدها تاني.
داليا پغضب كدا... ماشي يا رامي مااااشي.
وطلعت پغضب.
وهو راح عند بيت خديجة واستني شوية ورن الجرس شوية والباب اتفتح....
رامي السلام عليكم خديجة انا....... اي ده !! خديجة!!!!.
البارت السابع
وان علمتم الغيب لأخترتم الواقع.
ومن يتبتر علي النعم تعاقبه بالزوال.
وطول الهجر يبدد حلاوة اللقاء.
وعند فوات الاوان لا ينفع الندم.
نبدأ مع خديجة كانت قاعدة بتخلص شغل مهم لتصميم اتطلب منها في الشركة والاولاد مكنوش موجودين لان مامت رنده خدتهم عندها كانت بتحبهم اوي وماليين عليها البيت عشان كدا قالت لخديجة تخليهم عندها وهيجولها بالليل وخديجة قررت تستغل الوقت ده وتخلص كل شغلها.
وقطع تركيزها صوت جرس الباب وقالت ف نفسها ياترى مين الي جاي دلوقت انا مش مستنية حد ممكن تكون رندة.
وقامت عشان تفتح الباب ولما فتحت اټصدمت انه رامي فضلت واقفة للحظات تبصله كان واحشها اوي وكان نفسها تشوفه اول ما شافته قدامها كل قراراتها انها تنساه اتبخرت كانها مقررتهاش اصلا اول مره يغيب عليها اوي كدا اول مره يكون قدامها بس مش من حقها تجري عليه وتحضنه ومعدش حقها خلاص...وعند النقطة دي افتكرت الي عمله افتكرت انه دلوقت طلقها مش جوزها الي بتحبه بقا حق واحدة تانية خالص وافتكرت كلامه ومعاملته ليها السنين الي فاتت.
حاولت تتمالك اعصابها وكل ده كان جواها ف اللحظات الي كانت مستنياه يرفع فيها رأسه ويبصلها.
رامي السلام عليكم خديجة انا..... اي ده خديجة.
خديجة بإبتسامة وعليكم السلام ازيك يارامي
بس رامي كان ف دنيا تانية خالص كان سرحان ف خديجة وشكلها الي اتغير تماما هو عارف ان طول عمرها حلوه وجميلة لكن دلوقت...دلوقت حلوه اووي وجميلة اوووي لما كانوا متجوزين لو مهما عملت ف نفسها مكنش بيلاحظ او مكنش مهتم انه يلاحظ لكن دلوقت هي اتغيرت تماما مش هي ابدا الي قدامه واحدة تانيه جميله اوي اوي اكتر من الاول وقطع عليه تفكيره صوت خديجة. 2
خديجة رامي يارامي اي في اي مالك
رامي بتوتر ها....لالا ابدا انا انا كويس.
خديجة بابتسامة حمدالله علي سلامتك.
رامي الله يسلمك يا خديجة هما الاولاد فين عاوز اشوفهم.
خديجة الولاد مش موجودين دلوقت.
رامي باستغراب مش موجودين دلوقت اومال هما فين.
خديجة عند مامت رندة طلبت مني اخليهم معايا وبعدين حسن يجيبهم عشان كانت عايزه تقعد معاهم.
رامي اه اصل هما وحشوني اوي وكنت عايز اشوفهم هما هيجوا امتي
خديجة حسن هيجبهملي الساعه 5 يعني بعد ساعة ونص ان شاء الله ابقا تعالي شوفهم لما يجوا مالك هيفرح اوي.
رامي وهو بيبص ف عيونها وانتي
خديجة انا.... انا اي
رامي انتي عاملة اي يا خديجة
خديجة بابتسامة انا زي الفل الحمد لله وف احسن حال.
رامي باين عليكي انك ف احسن حال... وفضل يبص علي التغيير الي حصلها.
خديجة اتوترت من نظراته.
خديجة طب لما يجوا الولاد ابقا انزل شوفهم هما خلاص علي وصول.
رامي اه اه طيب انا هطلع دلوقت ولما يجوا اشوفهم.
خديجة خلاص تمام عن اذنك.
رامي اتفضلي.
وبعد ما خديجة قفلت الباب سندت عليه وغمضت عنيها كان واحشها اوي وبعد ما شافته النهارده عرفت انها عمرها ما حبت ولا هتحب غيره هي بس بتحاول تتماسك قدامه عشان متضعفش.
خديجة يارب يارب ساعدني يارب وخليني قوية قدامة وشيل حبه من قلبي يارب.
وتنهدت وراحت تكمل شغلها.
ورامي كمان بعد ما قفلت الباب فضل واقف ويفكر ف التغير الي جد علي خديجة اي الي حصل وهو مش موجود خلاها تتغير بالشكل ده بس ايا ما كان السبب ف التغير جميل اوي هي طول عمرها حلوه بس المرة دي تختلف عن اي مره.
فاق من تفكيره علي انه لازم يطلع عشان افتكر انه سايب داليا فوق لوحدها.
وفعلا طلع وفتح الباب ولقى داليا قاعدة بعصبية.
واول ما دخل داليا قامت وراحتله بسرعة.
داليا پغضب ها الهانم كويسه ولا محتاجة حاجة.
رامي بهدوء اه كويسة وكويسه جدا كمان ها حاجه تاني.
داليا والاولاد
رامي ولادي مش موجودين دلوقت.
داليا پغضب وغيرة ولما ولادك مش تحت كنت كل ده بتعمل اي عندها
رامي داليا مش ملاحظه ان صوتك بيعلى.
داليا هو انت لسه شوفت صوت جاوبني كنت بتعمل اي كل ده عندها.
رامي طب انا هخش اخد شاور واغير هدومي واول ما تتعلمي تتكلمي معايا ازاي نبقا نتكلم.
وجاي يمشي داليا مسكته وقلت پغضب انا بكلمك تقف وتكلمني زي ما بكلمك متسبنيش وتمشي.
رامي پغضب يبقا توطي صوتك وانتي بتتكلمي مفيش ست محترمة واهلها عرفوا يربوها بتعلي صوتها علي جوزها زي ما بتعملي دلوقت.
داليا وهي بتحاول تهدأ تمام وانا هادية اهو كنت بتعمل اي بقا لما ولادك مش موجودين.
رامي پغضب وقت اي ده الي اخدته انا مكملتش عشر دقايق اطمنت عليها وسالت علي الولاد وملقتهمش جايين كمان شويه هبقا انزل اشوفهم يبقا فين الوقت ده اهدي ها اهدي واياكي تعلي صوتك عليا تاني فاهمة وبصوت عالي
