الوهم ميفو السلطان

يا حسره واحنا قاعدين قدام بعض وشي في وشك اللي يقطع الخميره من البيت ايه الجديد يعني...
هنا هتف عمر بمكر وغمز له وقال لا ان كان على الجديد الجديد عندك في البيت حلو وامور وكتكوت في نفسه..
قطب مراد جبينه وقال له قصدك ايه واحس تصاعد الڠضب والفوران لانه احس انه يشير الى اسيا..
هنا قام عمر عندما لاحط غضبه وقال..... عموما انا اصلا هاجي اكل معاكم بكره انا زهقت من القعده لوحدي وبالمره نقعد كلنا مع بعض قاعده حلوه نجمع فيها محافظات مصر يالهوي علي محافظات مصر ..
فخبطه مراد من غيظه بأحد الملفات وقال لا يا اخويا انا مش عايز اشوف وش امك واتلم عشان ماقمش ارقدك هيبقى هنا وفي البيت هيا نقصاكم بقه... صحيح هتبقي انت والطباخ .ميفوميفو.
فخاف عمر وتركه مفيش فايده فيك قطاع ارزاق والله ابقى قل لماما حكمت كده انا كده كده مش عايز انت بقى تقعد معنا ما تقعدش انت حر انا جاي وراشق يا عم عايز اكل اكل نضيف بطني حرقتني من اكل بره وبالمره ناكل بنفس الاقي حد قمر كده ابصله يفتح نفسي عالاكل..يا واد هيفلقك 
ليهب مراد ويمسكه دانا هفتح وش امك يا ابو نفس طب ماشوفش خلقتك بقي في البيت وابقي اترزي اطفح في اي مصېبه تاخدك..اه عاللي شابط جواه ومش داري .
ليهب عمر مبتعدا ايه يا عم انت هتتحول.. دانت بقيت غتيت وهاجي بكره وماما حكمت هتاكلني واكل لما اشبع عبوشكلك.. يلا انت حر سلام يا ثقيل وخرج وهو يضحك... ظل مراد يفكر في كلام عمر عنها وتصاعد غضبه عايز يطفح ويجي يبص عليها هو انا اصلا بشوفها وانا بطفح لما هو يجي يتسادغ بوش امه ويشوفها طب يا عمر الزفت طيب كل واحد قاعد باصصلي فيها سي عادل مره وسي هباب اللي بيطفحنا في البيت واخرتها الحلوف ده هو فيه ايه..احنا عارفين بس عمرنا مانقول لم يعرف لماذا ڠضب بهذه الطريقه وهو لا يستطيع ان يفسر افكاره وشعوره بالحنق.. عبو اشكالكم. اما اتنيل اكمل زفت حرقه تاخدكم وارتاح والنبي ماهترتاح ثم بدا ينشغل في عمله مرغما مره اخرى. ميفوميفو...
عاد الي بيته وقرر ان يراها اليوم فغيظه وصل لمداه فركن عربته خارج الفيلا ودخل بهدوء بيتسحب يا قلب امه مش عايزها تحس واخرج مفاتيحه وكان عاد مبكرا قليلا ليدخل ليرجف قلبه فوجدها تشع نورا وضحكتها تصدح في المكان وقف ينظر اليها ببلاهه دا بتعرف تضحك اهيه ومالها قمر كده... كان واقفا صامتا يراقبها لتلاحظ والدته وجوده لتهتف سعيده حمدالله على السلامه يا حبيي .. ليلاحظ تجمد اسيا واختفاء ابتسامتها ليشتعل علي الفور ليتحمل في نفسه ويدخل لي راسها لينظر لاسيا التي تجلس مرتبكه ولاول مره يخاطبها بحنان ازيك يا اسيا عامله ايه..
لتهتف بهدوء الحمد لله يا مستر مراد كويسه...
ليكمل فهو اراد ان يتحدث معها طب يا رب دايما مبسوطه معانا.. كان الكلام ينساب منه ببلاهه وامه تنظر اليه وتقطب جبينها فهذا ليس عادته..
لتهمس اسيا.. بصوت جعل قلبه يشتعل... اه الحمد لله مبسوطه اوي..
لتتدخل الام.. واحنا يا قلبي مبسوطين دانتي بقيتي نواره البيت... كانت هيا محمره بشده وهو سعيد للحاله التي يراها بها.. لتقوم هيا علي الفور طب استاذن واسيبكو براحتكو..
ليهتف بسرعه لا ماتمشيش.. ليدرك تهوره.. ليقول لا اصلي عايز اتكلم معاكي عشان تاليا...قلبي بقه.. والنبي صعب عليا 
لتجلس مره اخري ونظرات الام تلاحق ابنها فهو به شئ لتهتف الام طب اسيبكو يا حبيبي واقوم انام بقه الوليه بتوسع للواد .... 
لتهتف اسيا بسرعه مرتبكه... لا خليكي هما كلمتين وهنقوم كلنا...
لتقول الام معلش حبيبتي مش قادره يلا تصبحو علي خير
ظلت اسيا تفرك في يدها ولا تعرف لماذا لا
تقوم فهناك شئ منذ ان اخبرتها الام عن حياته القاسيه قد خفضت من ڠضبها وفكرها عنه وشعرت انه شخص ليس سئ وانه شخص حنون من الداخل ووجوده اصبح يربكها وهو ينظر اليها بتسليه شديده فتلك الحاله تسعده فهي ليست عڼيفه امامه وهادئه
ليقول بهدوء.. اخبار تاليا ايه لسه فيه مشاكل...
لتبتسم له ابتسامه ساحره الهبت قلبه لتندفع لاول مره وتحكي كل ما انجزته عن تاليا وتحولها الشديد كان تتكلم لاول مره بسلاسه لا تغضب ولا تنزوي بل كانت مشعه وعيونها تبرق من سعادتها فتاليا اصبحت روحها واحس هو بذلك فكان يتمتع بالنظر اليها وقلبه سيخرج من مكانه من وجهها المشع اخيرا قعد يا ولاااد هييييح بقه وسعادتها في الكلام عن ابنته ولكنها لا تنظر الي عينيه وتمني ان تفعل ذلك ليهتف بحنيه.. اسيا... نظرت الي وجهه ليقول بنبره اشد اسيا لترفع عينها اليه لاول مره ليحس ان قلبه سيخرج من مكانه فعينها رائعه وهيا لاول مره تنظر اليه في عينيه كان كانه سرح بهم ولم يعرف ماذا جري له وشعرت هيا برجفه من نظرته لتخفض عينها مره اخري لتحرمه من ذلك النور لتهمس بخجل.. ايوه يا مستر مراد..براحه عالواد ماعتش مستحمل ميفوميفو
يا قلبك يا مراد البت محمريه وقمر وصوتها قمر... فيه ايه شابط جوايا... ظل صامتا يتحكم في نبره صوته ليهتف.. انا مش عارف اشكرك ازاي انت رديتي لينا حياتنا..نيها مش نوها اقصد لبنتي ردتيلها حياتها وفعلا انا بشكر الايام انها دخلتك بيتي واتمني تفضلي فيه علي طول اقصد يعني تاليا ماتتعرضش انها تفقدك..
لتقول وانا عمري ماهسيبها الا لو حضرتك مشيتني ..
ليهتف بسرعه....... والله عمره مايحصل قلبي يا ناس بقه 
لترتبك وتقول طب فيه حاجه تاتيه.. ليصمت فلا يريدها ان تقوم ولا يجد شيئا يقوله فهو يريدها امامه.. لتردد مستر مراد فيه حاجه تانيه حضرتك..مستر مراد اټشل يا قلب امك 
ليقول.. اه فيه استني بس كان يفكر في اي شئ ولكنه لم يجد ليقول بعدم حيله لا خلاص . تصبحي علي خير.. لتقوم من امامه بهدوء وتهمس تصبح علي خير وتصعد..
ليهتف.. اسيا.. لتستدير.. ليقول بحنان.. يا ريت اي حاجه تعوزيها تجيلي انا متفهم ومستني اي اقتراحات منك وموجود في المكتب في اي روحيله بقه والنبي دا هيشحت كمان شويه اي وقت لو عوزتي تكلميني.. انا ساعات ببقي عڼيف بس والله مابقصد حاجه فا متتردديش تيجي..
لتحس اسيا برجفه من كلامه وتظهر حنيته وتحس بها لتقول.. حاضر يا مستر مراد مفيش حاجه تصبح علي خير 
ظل هو جالسا مشلۏلا لفتره مغمض عينيه متذكرا لحظه تلاقي عينيها ليتنهد.. هو فيه ايه..فيه شياط يا حبيب الملايين ومالها حنينه كده وانت كنت بتعض فيها ليه يا طور.. دا ملاك وشيلالك بنتك وانت نازل نطح فيها..هيا ازاي خجوله كده وكانت متجوزه المفروض تبقي يعني متلحلحه شويه داكأنها بت بشوكها ماحدش قربلها ايوه ايوه كان معاها تصيبه مابتعرفش ميفوميفو .. ليقوم ويصعد.. انت باينك اتهبلت بتفكر في ايه ماتهمد و اهدي كده ماكنتش قاعده شقلبت حالك.. اخيرا قعدت دا ملاك.. هيا حلوه وهاديه ليه كده طيب هنام ازاي دلوقتي.. ليتنهد وقلبه يرجف.. عينيها حلوه اوي .. ليقف فجاه هو فيه ايه انت لسعت ماتشوف نفسك انت مش قليل ومش اي حد يقلبك كده.... انت... نكمل احنا عرفنا يا عم وورمنا من ام الجمله انك مراد الشهاوي يا دي الحزن 
قلم ميفو السلطانالوهم_القاتل 
حكايات_mevo
قلم ميفو السلطان
البارت السابع....
في الصباح كان مراد منتظرا اسيا علي السفره فهو لم ينم ليلته من كثره التفكير فيها.. اتت ومعها تاليا وهيا خجوله في المساء لتجلس في هدوء ولا ترفع نظرها وهو لا يحيد نظره عنها وامه تراقب ما يحدث في صمت وسعاده وتتمني ان يتحقق ما بداخلها ميفوميفو. ليجلسا معا وتبدا تاليا في الثرثره كالعاده فاصبحت مشعه كرفيقتها ليتحدث مراد بمرح ايه يا حبيبتي ماتفصلي انت مابتبطليش ماتاكلي وكفايه كلتي ودان اسيا سيبها تاكل دا مابتلحقش تمد ايدها....
لتهتف اسيا بخجل.... لا يا مستر مراد انا والله مش مضايقه دا تاليا تقول وتعمل اللي تحبه..
ليهتف اه والله نفسي تعمل اللي تحبه بجداه نفسنا كلنا 
لم ترد اسيا لتقول الام هو عمر هيجي انهارده صح..
ليقطب جبينه ويقول بضيق.. اه هيجي ما هو انا اترازيت بيه خلفته ونسيته.. لتضحك اسيا ضحكه خفيفه لينظر اليها ببلاهه.. هو فيه ايه.. قلبه يا ناس
لتقول الام طيب عشان اعمل حسابي بقه..
لتهتف اسيا طب استاذنكو يعني لو فيه ضيوف ابقي مش موجوده يعني تبقو براحتكو ..
لتهتف الام وكان مراد يريد ان يسكت امه ويذهب لې عمر لتقول.. هو مين اللي ضيوف دا عمر دا ابني حته سكره دانتي لو قعدتي معاه ماتبطليش ضحك دا واد عسل لتضحك اسيا.. ليغضب مراد.. هو ايه اللي عسل ولو قعدت ولو بتاع وضحك وزفت.. دا وش امه فقر وعيل سدغ انا مش عارفه رزياني بيه ليه مايترازي يطفح في اي نصيبه... 
لتنظر اليه الام بخبث امه قفشته . فيه ايه يابني دا حبيبك يا قلب امك يهون عليك اهو يجي ويتونس بينا وانت يا اسيا تقعدي وتنوري الدنيا واللي يجي يتشرف بيكي يا حبيبتي دانا لو طلت اعرفك علي الناس كلها..ميفوميفو. 
ليهتف مراد.. استغفر الله العظيم يا رب فيه ايه يا امي عالصبح حبيبي وزفت على دماغه ليستدير لاسيا ماتصدقيش امي دا واد بارد ورزل... كان الغيظ ياكله.. فهتف في نفسه ماتسكتي يا امي بقه هتعرفيها لمين فاتحينه معرض دانا ماصدقت انها تقعد دقيقتين.. ترازيني بحد يقرفني مالك الحب طرشق في الواد كده ليه والله لاطحنه بس اشوفه عمر... الله وانا مالي يا لمبي ..
ولكن الام لم تسكت وقالتدوسي يا حاجه االه يباركلك اصله ناقص قهر .. طب يا قلب امك ماعرفش ايه الي مدايقك من الواد بس هاته لو مزعلك هصالحك عليه انا واسيا بكلمتين من وشها القمر ده مش كده يا اسيا.. لتبتسم اسيا..
ليقوم مراد لا كده كتير و كفايه بقه عشان والله ماينفع. اما اقوم اغور اروح للزفت وهفلقلك دماغه مايجي عشان ترتاحي ورزع المعالق علي الطربيزه وقام وهو يغلي... وخرج مهتاجا وامه تبتسم وتهتف بصوت عالي.. مالك يا بني عالصبح لا حول ولا قوه الا بالله مضايق ليه بس هو انا عملت حاجه يا وليه يا وليه عيب ميفوميفو. 
خرج مراد وهو يغلي من الڠضب.. عايزه تجيب البيه ويقعد ويتونس بالبت وانا مابنطقش معاها كلمتين وهو عايز يجي يتونس هو كمان.. هو فيه ايه.. دا ماحدش عاتق.. متغاظ اروح اطحنه دلوقتي.. جاي ليه انا نفسي اعرف.. ما اطفحه في اي