شهد حياتي بقلم سوما العربي
وانا بتعرض كل شويه لحاجه اصعب واصعب وكل مره استحمل واعدى بس المره دى كانت صعبه اوى انا اتفضحت يا يونس مش هقدر ارفع عينى فى عين حد بعد كده
قالتها وهى منكسه رأسها بدموع وحزن فوضع يده اسفل ذقنها ورفع رأسها عاليا وقال ماعاش ولا كان الى يعمل فيكى كده وانا عايش ترفعى راسك وسط الكل وانتى ست الكل انا رديتلك اعتبارك وسط الناس كلها كل المنشورات الى اتنشرت اتحذفت والجروبات والصفحات دى اتقفلت والى كان السبب في كده اتعاقب
رفع رأسه وقال انتى متجوزه يونس العامرى مش اى حد اما بالنسبة للتفاصيل مش هقولك لانى زعلان وزعلان اوى كمان
شهد يا يونس والله
قاطعها بقوه وقال انا ذنبى إيه تعبت اد ايه على ما وصلتلك وتعبت اد ايه على ماقولتيلى بحبك كل حاجه يطلع عين اهلى انا ليه ليه تسيبنى وتمشى هو انا مثلا الى نشرت الصور دى ولا انا اللي قولت للناس تعلق تقول كده ولا انا اصلا ليا يد من قريب او من بعيد فى الموضوع ده انتى غلطتى وغلطتى جامد ياشهد
توقفت عن البكاء تلقائيا واتسعت عينيها بزهول منه الا ينسى ابدا او يمرر الامر نظرا لما هم به
ومالبست أن ابتسمت بحب انه يونس المهوس بها
لكنه غاضب منها وبشدة وهى أخطأت نوعا ما ولابد من مراضاته
خلص البارت
اكتر مشهد حلو
اكتر مشهد وحش
فاضل بارت او اتنين
بحبكوا
بصوا بقا وركزا معايا
الروايه قربت تخلص كنت متأخرة في النشر عشان حكاية السرقه وكمان برتب افكار وبختار اسم للروايه الجديدة
ان شاء الله هتعجبكوا جدا
واحب اطمنكوا هيكون فيها كوكتيل اعمار مختلف يعني كل حد فيكوا هيلاقى فيها الكابل الى يحبه مع انى اتحداكوا انكوا بإذن الله بإذن الله تحبوا كل الشخصيات
لو حابين انى امسحها خالص اوكى
حابين انى اسيبها وابقى اكتبها بعدين اوكى
أن شاء هنزل اقتباس او اتنين هنا من الروايه الجديدة وتعريف للشخصيات كمان زى ماعودتكوا
محتاره في إختيار اسمها وكالعادة بحب اشركوا معايا في كل حاجه فأنا هختار اسم مؤقت ليها وانتو ابعتولى عجبكوا ولا لأ
الفصل السادس والعشرين
فوت قبل القراءه كتتيييير بليز
وزوجته ندى وابنائهم
تحدث كريم ببشاشه مرحبا البيت والبلد كلها نورت والله يا يونس بيه
يونس مبتسما البلد منوره بأهلها وبعدين ايه يونس بيه
دى ده انا جوز اختك وكمان سننا قريب من بعض
كريم ههههههه عندك حق انا فرحت اوى لما عرفت انك جيت لازم اغلبك بقى عشرتين طاوله ولا مالكش فيها
كريم خلاص يبقى اعلمك
ندى متدخله بمرح وتعلمه انت ليه يا كريم وهو متحوز الاستاذه بذات نفسها اندهش يونس جدا ونظر لشهد التى كانت
ټلعن ندى في سرها وهى تهز رأسها بنفى شديد فى نفس الوقت فتحت ملك الباب بالمفتاح الخاص بها ودلفت مرحبه تشاركهم الحديث
ندى لملك شوفتى يا ملك يونس بيه طلع مالوش في الطاوله
ملك باندهاش معقول ده انت مراتك حريفه
يونس مبتسما انا
اول مره اسمع الكلام ده اتفاحئت بصراحه
ملك ههههههه دى مراتك دى كلها مواهب فاكره يا ندى طب دى بترقص رقص فشړ نجوى فؤاد
اتسعت عينيه بزهول وهو ينظر لها بمكر وخبث وهى تهز رأسها پجنون تنفى مايقولون ودت لو قطعت السنتهم جميعا
ندى بصى يا ملك بتهز دماغها ازاى ههههههه طب انت عارف يا يونس بيه الأطفال وهما صغيرين لما تسألهم نفسك لما تكبر تشتغل ايه اى طفل طبيعى بيقولك دكتور مهندس ظابط مدرسه هههههههه لاكن شهد كنت تسألها نفسك يا شوشو لما تكبرى تشتغلى ايه تقولك وهى بتهز وسطا وكتافها رقاااااااصه هههههههه
اڼفجر الجميع ضاحكا وهو معهم بشده واعين متسعه لايصدق ابدا بينما هى لا تفعل شيئا سوى النفى وربنا ماحصل
ملك ياكدااابه هههههه طب فاكر يا كريم هههههه لما كانت فى ثانوى وكنا نقولها يابنتى ذاكرى عشان تدخلى كلية كويسه هههههههه كانت تقولنا بكل ثقه بس انا عرفت انا هشتغل ايه نقولها بجد ايه تقول هشتغل رقاصه وبعد ما اخلص نمرتى هههههه هنزل افتح للزباين هههههههه
ارتفعت اصواتهم اكثر واكثر وهو ضحك حتى بكت عيناه لا يصدق أبدا صغيرته وافعالها
شهد بس بقى ثم نطرت ليونس وقالت والله بيكدبوا
كريم والله انتى الى بتكدبى ثم وجه حديثه ليونس
وقال طب دى كانت شقيه شقاوة فاكره ياملك لما كانت قاعده على المطبخ وكنا لسه شاريين كرتونه بيض اخدت البيض كله وفضلت تحدف فيه فى الحيطه والارض بقت كلها بيض
ملك بقرق يعععع ماتفكرنيش ده انا فضلت امسح فى المطبخ 3ايام ورا بعض
شهد ليونس ماتصدقهمش بيتبلوا عليا والله انا اصلا مش اختهم هما متبنينى فابيحقدوا عليا اة زى مابقولك كده انا اتبدلت منهم فى المستشفى يوم ما اتولدت
يونس لا أرسى على كدبه واحدة متبينك ولا اتبدلتى فى المستشفى ههههههه
كريم ههههههه طب نقى كدبه تليق بيكى ده انتى الوحيدة فينا الى مولوده فى البيت هنا انا وملك مولدين فى المستشفى الا انتى يالا يا كدابه وعشان افتراكى ده احنا كنا ناويين نستر عليكى بس خلاص هنقول على كل بلاويكى
ملك ههههههه فاكر يا كريم لما المدرسة بتاعت الحضانة اتصلت على التليفون الارضى ورحنا جرى لاقناها بتقولنا ان شهد واخده في شنطتها كل الشوك والمعالق الى فى البيت هههه اموت واعرف كنتى وخداهم ليه
شهد اصلهم كانوا بيعملوا صوت حلو
ارتفع صوتهم مجددا ويونس يضحك پجنون متفاجئ من أفعال صغيرته وكم احب ان يعرف عنها ويتشارك جميه أوقات طفولتها وشقاوتها فيبدو ان زوجته كانت طفله مكاره وشقيه بل ومازالت منذ ان تقرب منها وعشقها وهو يتمنى لو رباها على يده وكانت معه منذ طفولتها وها هو الآن يستمع بذهول وتفاحئ لافعالها ومواهبها التى تفاجئ بها حقا
فى فناء المنزل كانت ملك تقف بتذمر غير راضيه ابدا على الذهاب مع شهد
شهد اوووف ايه يا ملك بقا اخلصى ووافقى
ملك انا مش شايفه داعى لسفرى معاكى ومش كل يوم والتانى هنطلهم هناك المفروض اخلى عندى ډم هو كان بيت ابويا
شهد عشان خاطرى يا ملك يونس زعلان مني وعماله اصالح فية مش بيتصالح بيكلمنى قدام الناس بس عشان شكلى مايبقاش وحش لاكن بينى وبينه مش بيكلمنى وزعلان
ملك وتفتكرى انا هعمل ايه يعني ده جوزك انتى وانتى الى تعرفى تصالحيه
شهد على الاقل هقعد احكى معاكى وافك عن نفسى ونوصل لحل ده غير انى لسه مش عارفة أواجه الناس هناك بعد اللى حصل فا محتجاكى جنبى
ملك ما رنا صاحبتك معاكى هناك
شهد يوووه يا ملك مانتى عارفه رنا قربت تتجوز ومش بعرف اتلم عليها من السحله الى هى فيها دى بترجع البيت مقتوله حتى خطيبها مش بتعرف تكلمه هو انا
هشحتك شكرا جدا الاهتمام مابيطلبش على فكرة
قالت الاخيره وهى تستدير وتبتسم بمكر وخبث
ملك هنتقمص بقا زى العيال الصغيره يابنتى مانتى عارفه مش عايزه اجى عشان ماهى وجوزها وكفاية اوى الى حصل
شهد ايوه يعنى ايه
يعني هتقطعى علاقتك بيا ذنبى ايه انا مش فاهمه ماشى ماشى اه يانى يامى يانى يامى اه يا غلبانه ياشهد ومالكيش حد اه يا قاطعتها ملك بس بس خلاااص ايه مسوره واڼفجرت في وشى
ابتسمت شهد براءه يعني هتيجى معايا
ملك خلاص هاجى بس وحياة امك تخلصى وتحلى معاه بسرعه مش عايزه أطول هناك
قبلتها شهد على وجنتها بحب وشقاوه تسلمى يا احلى واجمل اخت فى الدنيا انا كنت عارفة انى مش ههون ابدا يالا بقا نلبس جورى وانتى صحى كريم يالا
طوال طريق العوده للقاهره وهى تحاول التقرب منه ومحاولة ملامسة يديه او ماشابه ولكنه مازال على غضبه منها وملك بالخلف تكتم ضحكاتها على محاولات اختها الفاشله ومع كل مره يحبط محاولاتها تنفخ وجنتيها بطفوله وهو يرتسم العبوس والجمود على وجهه كطفل فى التاسعة
وكريم يلاعب جورى منشغل بها في الخلف اخ لو يعلم مالك ماتفعلينه يا صغيره
وصلول إلى فيلا العامرى
وذهبت ملك وكريم ليستريحوا فى غرفة خاصة بالضيوف
أخذت شهد طفلتها وذهبت بها لغرفتها بعد أن ابدلت لها ثيابها واوصتها ان تنام قليلا لتستريح من تعب السفر
وبعدها ذهبت شهد لمراضات وحشها الغاضب
اما تلك الصغيره فتسحبت على أطراف اصابعها تتمسك بطرف فستانها الازرق الذى يعكس وهج زرقه عينيها وتعلقت بمقبض الباب المقابل لغرفتها وفتحته بصعوبه لكنها فتحته بالاخير
وجدت مالك جالس على فراشه نص جلسه ينظر للسقف بحزن وشرود ولم يشعر بدخولها
وقفت على الأرض تنظر له باستغراب صحيح هى طفله قاربت على الرابعه من العمر ولكن نعلم كيف ان الاطفال اذكياء ولماحين الى اقصى درجة فهو دائما خلفها دائما يفرض قيرده وتحكماته عليها ماذا حدث إذا
شعر هو انه لم يعد بمفرده نظر بجانبه وجد طفلته الجميله تنظر له ببراءه وحاجبيها معقودان باستغراب زادها لطافة ابتسم من وسط حزنه وقام بحملها من تحت كتفيها ورفعها لجانبه على الفراش
اجلسها لجواره وقال كنتى فين كده تسبينى انتى كمان
جورى ماما مشيت واخدتنى معاها
نظرت لدمعه يتيمه كانت قد فرت من عينيه وقالت وهى تمسحها له بكفها الصغير انت بټعيط يا لوكا
مالك مبستما بحزن لأ مش بعيط
جذبته بطفوله ووضعت راسه على كتفها الصغير وقالت ماتزعلش
ضحك رغما عنه وقال بتعملى ايه بس هحط دماغى دى
كلها على كتفك المعضم الصغير ده ازاى
جورى ببراءه مانا لما بعيط بنام على كتف
ماما كده وانت مامتك مش هنا الحق عليا يعني
تذكر والدته ومافعلته فوجود صغيرته قد انساه بعض الشئ ولكنه وبعفويه بالغه ذكرته من جديد
مالك بحزن ماما سابتنى ومشيط يا جورى فضلت العربيه والفلوس عليا
جورى ببراءه لا تعى ماتقوله وماسيترتب عليه مستقبلا خلاص ماتزعلش انا هفضل معاك لحد ما انسيك ومش هسيبك ابدا
نظر لها پجنون وتملك فهذه الصغيره تزيده يوميا تعلق بها وقال باصرار حتى لو انتى سبتينى انا مش هسيبك ابدا حتى لو حصل ايه ولا هسمح لحاجه تاخدك منى
لم تعى ما قاله ولا ما سينتج عنه وابتسمت بطفوله وجذبت راسه ثانيه لكتفها ضحك من قلبه بقوه وقال ههههههه ياحبيتى انا لو نمت
على كتفك مش هرتاح بالعكس هيجيلى صداع من العضم الى غارس فى دماغى تعالى تعالى احكيلى عملتى ايه عند ولاد خالك لعبتى مع مين وكنتى بتنامى فين وكله كله
اخذت بطفوله تحكى وتعبر بيديها وهو يستمع لها
