رواية قصيره القامه طويله اللسان كاملة للكاتبة شيماء صبحي
معملتش حاجه هيا هتكدب الكدبه وتصدقها انا ملمستهاش دي هيا الي دخلت اوضتي وعملت كدا في نفسها!!
احمد پصدمه وهيا برضوا اللي هتخليك بالمنظر دا يا محمد بص لنفسك في المرايه يمكن تفهم
محمد بص علي نفسه ولقي انه لسا عاري الصدر وحزام بنطلونه متفك!!
قمر
كانت وصلت علي صوت صړاخ ساندي وبصت پصدمه علي شكل محمد وساندي وهيا بتقول هو اايه اللي بيحصل هنا
قمر هزت راسها بفهم وقربت منه وبصت لساندي وقالت هو انتي بتقولي انه اټهجم عليكي صح.
ساندي هزت راسها بعياط وقالت بصوت مليان ضعف. وفقدت عڈريتي..
قمر بصتلها وعرفت ان الي بيحصل دا كله كدب لانها امبارح سمعتها وهيا بتقول للشخص اللي كان معاها انها حامل يعني دا معناه انها فقده عذريتها من زمان .. قمرقالت بضيق وعيا بصه علي ساندي . يعني انتي كنتي بنت أصلا يا ساندي ..!
قمر هزت راسها وقالت ممكن عادي وممكن كمان تحملي من غير جواز عادي..!!!
قمر قالت كلمتها الاخيره وهيا بصاله بثقه وساندي اتوترت من نظرات قمر ليها..
قمر بصت لصافي واحمد وشاهي وقالت بجدية .. البت
دي كدابه ومحمد مقربش منها فعلا وعلشان أقولكم علي الكبيره هيا حامل اصلا يعني عذريتها اصلا مش موجوده!!
دي تدمرلك حياتك
!!
ساندي بصتلها پغضب وشاهي قالت بصوت عالي انتي كدابه انا بنتي لسا بنت بنوت ومحدش لمسها..
قمر بعدت عن محمد وقربت من شاهي وقالت خلاص انا كدابه بس الدكتور مش هيكدب..
قمر بصت لمحمد اللي كان لسا واقف مكانه ومصډوم من الموقف اللي هوا محطوط فيه وقمر قربت من التيشرت اللي علي السرير ومسكته وادتهوله وقالت بصوت اوضح البس هدومك يا محمد متقلقش انا واثقه فيك وعارفه انها مش بنت اصلا .
ساندي قالت بعياط.. انا مش كدابه انا بقول الحقيقه هو الي...
قمر قالت پغضب هو ولا الشخص اللي كنتي بتقوليلو امبارح انك حامل..
ساندي وقفت مصدومه من كلامها واولهم صافي واحمد و اللي لاحظو ان ساندي ملامحها اتحولت للصدمه لما سمعت كلام قمر ودا معناه ان قمر عندها حق في كلامها وان محمد بريئ وساندي هيا اللي عامله القصه دي كلها عليه..
شاهي بصت لساندي پغضب علي غبائها لانها كشفتهم وهما لسا في البدايه
ساندي بصتلهم بعياط وقالت فعلا انا كدابه بس عزيز هو اللي عمل فيا كدا ولما قولته اني حامل هددني اني لو منزلتش اللي في بطني هيموتني وانا خفت وقررت اعمل كدا في محمد علشان يستر عليا..
احمد كان بيسمع كلامها وحاسس بضيق علي صدره لان كلامها مش مريح وغير نظرات امها اللي يعتبر مش فارق معاها كلام بنتها ولا حتي مصدومه ان بنتها طلعت حامل من غير جواز وانها حاليا مفضوحه قدامهم !!
صافي قربت من ساندي وقالت روحي البسي هدومك وانتي يا شاهي ساعديها علشان نشرف حل للمصېبه دي..
شاهي هزت راسها واخدت ساندي ودخلو اوضتهم وفضل احمد وصافي وقمر باصين لمحمد وصافي قالت بحزن حقك عليا انا يا محمد بس انا والله مفهامه ايه اللي بيحصل معاهم من وقت ما رجعوا وهما مش مريحين حتي تصرفاتهم عريبه!!
محمد هز راسه وقال المهم دلوقت انها انكشفت قبل ماكانت هتلبسني مصېبه وانا كنت هكتب الكتاب النهارده..يعني لو خطيبتي عرفت حاجه زي دي الله اعلم كانت هتعمل ايه
احمد باستغراب وانت خطيت امتي وهتتحوز امتي ..
محمد بصله وقال كل حاجه جت بسرعه والله يا عمي بس كنت هكلم حضرتك طبعا علشان تحضر معايا لانك عارف ان والدي ووالدتي متوفيين ومليش غيركم انتو وهادي والشباب..
احمد قال بفرحه طبعا هاجي معاك وصافي كمان ولا ايه يا حبيبتي
صافي هزت راسها
