رواية كوز العسل للكاتب عادل عبد الله

يا ربيع واذا كان عن الناس يبقي الواد حمدي يخطب البنت دي ورجله فوق رقبته !!!
مش هينفع خلاص لأن انا كلمت ابوها وقولتله 
قولتله اي انك هتخطبها لنفسك 
ايوه وخلاص وافقوا 
جلست ام حمدي تبكي فحاولت تهدأتها ولكنها زادت عصبيتها وقالت ومادام انت كلمتهم واتفقتم جاي تقولي ليه 
علشان انتي غالية عندي ومش اقدر اعمل حاجة من غير ما اقولك 
وبعد محاولات ومحايلات كتير اوي ونقاش طويل جدا قدرت اقنعها انها توافق وتتقبل الوضع 
حمدي لما عرف اني خطبت هدير أظهر قدامي موافقته لكنه لما عرف بزعل امه اخد موقف لكن لم يعترض اما بناتي زعلوا جدا علي زعل امهم !!!
وبعد اقل من شهرين كان معاد الفرح اللي هدير صممت انها يتعملها فرح كبير في قاعة كبيرة ومعازيم من العائلتين !!!
حضر الفرح كل اهل واصحاب العروسة وحضر اخواتي و بعض من قرايبي ما عدا نعمة مراتي و عيالنا 
انا كنت متوقع عدم حضورهم و علشان كده مش اتفاجئت ابدا لكني اتفاجئت بحمدي وصل الفرح في نص الوقت تقريبا !!! 
ورغم اني كنت مبسوط جدا بالفرح وبالعروسة الجميلة اللي هيتقفل علينا باب الليلة لكني لاحظت نظرات بعض الحاضرين اللي حسيت ان معناها شوفوا الرجل اللي اخد عروسة ابنه لنفسه 
الاحساس اللي وصلني ده من نظراتهم ضايقني فحاولت انهي الفرح بسرعة !!! 
خلص الفرح و اخدت العروسة وسافرنا نقضي شهر العسل 
مش شهر بالظبط لكني كنت حاجز اسبوعين في فندق في شرم الشيخ 
سافرنا نقضي شهر العسل وطول المسافة وانا وهدير بنتكلم ونضحك ونهزر وكنت حاسس ان شبابها وروحها الخفيفة صغرتني عن سني مش اقل من ١٠ او ١٥ سنة ورجعتني لبدايات شبابي من جديد !!!
وصلنا الفندق ودخلنا غرفتنا وزي ما كنت متوقع ظهرت حمرة الخجل علي العروسة بعد ما بقينا وحدنا !!!
احساس خجل البنات اللي غاب عني سنين طويلة ورجعت بذكرياتي ليوم فرحي علي ام حمدي 
لكن العروسة غير العروسة دي حاجة مختلفة تماما دي كوز عسل في صورة بنت جميلة سبحان من صورها 
وبعد دقايق كانت العروسة بين احضاني ووقتها حسيت بأحساس مختلف تماما 
فرق كبير جدا بين هدير ونعمة !!! 
صحيح ان نعمة اول حب في حياتي ولسه بحبها لغاية دلوقتي لكن هدير حسيت معها من اول يوم باحاسيس مختلفة تماما 
كانت اجمل ليلة في حياتي حسيت بعدها اني كنت مش عايش ولا اتجوزت قبل كده وكأني اول مرة اتجوز !!!
هدير كمان حسيت انها مبسوطة معايا جدا وسعيدة
لدرجة انها قالتلي انها حبيتني رغم انها عمرها ما حبت ولا كانت بتصدق في كلام الحب ابدا 
فرق السن بينا في اسبوعين العسل داب وانتهي وقربنا من بعض جدا وبقينا زي اي اتنين عرسان في عمر متقارب 
القرب ما بينا زاد من سعادتي معها لدرجة اني كنت زعلان ان الاسبوعين انتهوا واننا لازم نمشي من الفندق ونرجع للبيت 
وفي الطريق واحنا راجعين كان واضح علي هدير انها مهمومة !!!
سألتها مالك يا حبيبتي شكلك مش مبسوطة ليه 
هقولك الصراحة انا خاېفة 
خاېفة وانا موجود 
لا يا بيبي يخليك ليا انا اقصد أني قلقانة 
قلقانة من اي 
قلقانة من مراتك 
لا مفيش قلق منها انا اقنعتها وان شاء الله هتعيشوا مع بعض كويسين 
مش كنا نعيش في دار لحالنا احسن يا بيبي 
ما انا قولتلك مش هينفع ومش عاوزك تقلقي منها اتعاملي معها كأنها اختك الكبيرة 
اختي دي قد أمي !!! انا هعاملها زي ماما وامري لله 
زي ما تحبي المهم تتعاملي معها كويس هتلاقيها كويسة معاكي هي بنت حلال وحنينة اوي 
والله حنينة اوي !!! طب ما بدال عجباك حنيتها كده اتجوزتني ليه !!
يا قلبي اتجوزتك علشان حبيتك 
حبتني ازاي دا انت كنت هتاخدني لابنك في الاول !!!
من اول ما شوفتك عجبتيني والصراحة اني اتلككت للواد علشان اتجوزك انا لأني حسيت ان انتي ليا انا بتاعتي انا 
ولو كنت اتجوزت ابنك كان هيبقي احساسك اي 
اكيد احساس مختلف لكن المهم انتي دلوقتي مراتي وقلبي وحبيبتي 
ايوه ايوه اضحك عليا بكلمتين 
هو انا لما اقولك اللي في قلبي يبقي بضحك عليكي !!!
هروح فيك فين يا بيبي عليك كلام مبعرفش ارد عليه 
ليه مبتعرفيش تردي عليا 
علشان بحبك بقلم عادل عبد الله 
طيب ادينا قربنا نوصل بالسلامة عاوزك توريني بتحبيني ازاي في البيت 
وفضلنا نضحك ونهزر لحد ما وصلنا ودخلنا الدار 
اول ما دخلنا راحت ام حمدي استقبلتها بالزغاريد !!!!!
كانت هدير في حيرة ودهشة وانا كمان مذهول من رد فعل ام حمدي !!! انا كنت عارف انها هتستقبلها كويس لكن مش بطريقة مبالغة اوي بالشكل ده !!!! ده مهما كانت هي اقتنعت لكنها في الاول والاخر هي بردو بقيت ضرتها وهتشاركها في جوزها !!!!!
ضحكت وقولتلهم حلو اوي انتوا الاتنين من النهاردة اخوات وحبايب ومش عاوزين حد يشمت ولا يضحك علينا نبدأها بقي بعيش وملح مع بعض يلا يا نعمة انتي هتحضري الاكل و هدير هتبقي تشيل الطحون وتعمل الشاي بعد الاكل 
نعمة انا كنت عاملة حسابي اني امشي وافضي البيت عليكم كام يوم علي ما العروسة تتعود علي البيت 
غمزتلي هدير بأني اوافق !!! لكن انا قولت لأ يا نعمة مش عاوز نعمل فرق وكل واحدة فيكوا هتعيش وتاخد راحتها في البيت في حدود انها تراعي مشاعر التانية يلا بقي حضري الاكل ھموت من الجوع 
قامت نعمة وحضرت سفرة كبيرة فيها من خيرات ربنا كتير وقعدنا ناكل احنا التلاتة 
بعد الاكل اخدت هدير ودخلتها المطبخ وعرفتها مكان الحاجات في المطبخ و بتلفت لقيت نعمة مرقبانا من بعيد 
اول ما الټفت غيرت نظرها وكأنها مش بصه علينا 
قعدنا وشربنا الشاي وقولت لنعمة نعمة احنا تعبانين من السفر هندخل نريح ساعتين 
نعمة وماله يا عريس خدوا راحتكم كأنكم لوحدكم انا كمان هدخل انام علشان تعبت في شغل البيت النهاردة 
دخلت انا و هدير اوضتنا وبمجرد ما قفلت الباب قولتلها تعالي بقي عرفيني بتحبيني قد ايه 
هدير مش سبتها تمشي ليه تروقلنا الجو كام يوم 
انتي غشيمة 
ليه يا بيبي 
لو سبتها تمشي هي كده كده بعد يوم ولا اسبوع ولا حتي شهر هترجع وهتعيش معنا ومن ناحية تانية لو مشيت هي النهاردة الكل هيفهمه ان دخولك انتي البيت خرجها هي منه وانا مش عاوز حد يقول كده 
صح عندك حق يا بيبي 
يلا بقي تعالي وحشتيني اوي 
طيب اطمن الاول اذا كانت واقفة ورا باب الاوضة ولا لأ 
لا لا لا نعمة متربية وعمرها ما تعمل كده ابدا 
معلش افتح الباب نطمن بس 
حاضر 
الحلقة ٤
يلا بقي تعالي وحشتيني اوي 
طيب اطمن الاول اذا كانت واقفة ورا باب الاوضة ولا لأ 
لا لا لا نعمة متربية وعمرها ما تعمل كده ابدا 
معلش افتح الباب نطمن بس 
حاضر 
فتحت الباب و كانت فعلا نعمة مش واقفة و دخلت اوضتها 
مش قولتلك يا هدير نعمة دي متربيةوعمرها ما تعمل كده ابدا 
معلش اصل انا بنكسف اوي ولسه مش اعرف حد هنا 
طيب تعالي بقي وحشتيني اوووي 
تؤ تؤ 
اي ده !!! بتقوليلي لأ 
لو عرفت تمسكني وضحكت بصوت عالي اوي 
وطي صوتك مش كده 
اووووف بقي اي كتم الحرية ده !!! من اول يوم كده !!!
مفيش كتم حرية ولا حاجة خدي حريتك بدون ما حد يحس بينا 
وبعد ما ريحنا ساعتين قومت من النوم لقيت السرير جنبي فاضي !!!
خرجت وكانت هدير واقفة في وسط الدار بالبيبي دول !!! ونعمة واقفة بتتفرج عليها !!!
اي اللي موقفك بالشكل ده 
ماله الشكل ده مش فاهمة !!
واقفة كده ليه بقولك 
كنت داخله الحمام اخد شاور 
طيب يلا بسرعة ومتخرجيش من الاوضة كده تاني 
في الوقت ده رجع حمدي من بره وأصابه الذهول من منظر هدير ووقف متنح ولا بيتكلم ولا بيتحرك !!!
كان موقف محرج جدا لنا كلنا اضطريت اني ازعقلها واشخط فيها وقولتلها يلا ادخلي واياكي تخرجي كده تاني 
نعمة دخلت الحمام وحمدي دخل اوضته و نعمه قاعدة بتبصلي وساكتة من غير ولا كلمة وايدها علي خدها !!!
مالك يا نعمة 
مفيش يا عريس عروستك حلوة اوي 
جريت قعدت جنبها مش احلي منك يا نعومتي 
وحطيت ايدي عليها وبهزر معاها قالتلي عاوز تضحك عليا بكلمتين زي عوايدك !!!
اضحك عليكي ازاي !!! انتي عارفة ان انتي اللي في القلب 
طيب تعالي معايا 
واخدتني من ايديا دخلتني اوضتها !!!
بعد ربع ساعة خرجت هدير من الحمام و باب الاوضة خبط سألت مين 
انا هدير تعالي عاوزاك 
طيب روحي دلوقتي يا هدير بتكلم مع ام حمدي كلمتين وجاي 
كلمتين !!! ومحليش الكلام الا والباب مقفول 
روحي دلوقتي يا هدير ميصحش كده !!
طيب انا رايحة بس متتأخرش علشان عاوزاك 
وبعد حوالي ساعة حسيت فيها بفرق كبير بين نعمة وهدير قامت نعمة وهي متعصبة وبتقولي سلامتك يا جوزي
ليك حق ما انت مهدود حيلك !!!
ايوه فعلا انتي عارفة مشوار السفر بعيد 
ايوه ايوه عارفة والعروسة الجديدة كمان !!! ربنا يقويك انا بعد كده بقي مش هعطلك عنها !! مش هبقي انا وهي عليك هي اولي مني 
ازاي تقولي كده !! انتي مراتي وهي مراتي وانتي ليكي حق عليا 
بتجبر بخاطري !! الهي يجبر بخاطرك 
متقوليش كده دا انتي اول واخر حب في حياتي 
طيب يا عريس انت كده هفتان و محتاج تتغذا كويس دا انت محتاج تاكل دكر بط لوحدك ولا اقولك اعملك كوارع ولا اعملك حمام 
كانت تلميحاتها واضحة اوي وضايقتني لكن لأني عاذرها مش رديت عليها وعملت نفسي مش واخد بالي من كلامها وتلميحاتها وقولتلها اي حاجة من ايدك حلوة 
تحب تاكل من ايدي ولا من ايد العروسة ولا عاوزني اخدمكم انتو الاتنين 
انا مش بحب اكل الا من ايدك لكن لازم اكل من ايدك يوم ومن ايدها يوم هي دي قسمة الحق 
خرجت من الاوضة ودخلت الحمام اخدت شاور وخرجت لقيت هدير قاعدة متعصبة اوي مالك يا حبيبتي 
مفيش 
لأ شكلك متضايقة اوي !!
ملكش دعوة بيا 
ازاي بقي !! ينفع اشوف حبيبتي وقلبي زعلانه كده واسكت !! 
حبيبتك هناك اللي كنت معاها من شوية 
دا احنا كنا بنتكلم 
وقفلين الباب ليه 
علشان محدش يسمعنا 
انت بتضحك عليا يا ربيع 
لا يا قلبي مقدرش 
اومال خرجت من عندها اخدت شاور ليه 
عادي هو لازم يكون فيه سبب