اسكريبت بقلم ايه فتحي
شعر بعض
ضحكت وقومت خرجت أعمل له أكل ما هو قرة عيني برضه وأنا مايهونش عليا أسيبه كدا
وعلشان كنت عارفة إن دا هيحصل ف كنت جايبة له فينو وجبنة عملت له ساندويتشات وخرجت لقيته قاعد في البالكونه قعدت جنبه وإديته الساندويتشات
الأكل
تسلم إيدك
بالهنا
هقوم أجيب الكشكول علشان تشرح لي
كدا فيه حاجة تاني مش فاهماها
لا الحمدلله كدا فل جدا
الحمدلله
بقول لك صحيح الشقة خلاص فاضل أقل من شهر وهتكون جهزت
هو فيه حاجة عايزة أقولها بس لازم توافقني علشان تقدر تقنع معايا الباقي
أنا مش عايزة أعمل فرح مختلط يا غيث عايزاه يكون إسلامي مش عايزة أول يوم في حياتنا سوا نعصي ربنا فيه وكمان كدا هيوفر فلوس كتير ممكن نسافر نروح نحج بيها أو نتصدق بيها و نساعد ناس تانية وتكون بداية لحياتنا بعمل خير بس لما فتحت الموضوع ل ماما لقيت إنها مش موافقة ومعارضاني وقالت لي مفتحش معاك الموضوع دا بس بجد مقدرتش
قبل كل شيء عايز أقول لك إني فخور بيك
ثانيا أنا موافق جدا ودا قرار سليم ومتقلقيش هنقدر نقنعهم ومحدش هيجبرك تعملي شيء ڠصب عنك
كل ال أنت عيزاه هيكون
الله يديمك ليا بجد
نفسي ال كام أسبوع دول يفوتوا بسرعة وتخلصي إمتحاناتك علشان نكون في بيت واحد
يوه!
طب ما أنت لاجئ في بيتنا 24ساعة يا غيث أهو ومتكلمناش فرقت إيه يعني
أنا يا حبيبتي جاي ل عمتي مش جاي لك أصلا
طب قوم يا حبيب عمتك إنزل شقتكم يلا علشان هننام
بتطرديني هاا
كما تدين تدان يا حبيبي
قام باس راسي وهو بيضحك ونزل كان خالو وطنط نزلوا فضلت مبتسمة لحد مانزل قومت ذاكرت ال شرحه ليا وقبل ما أنام لقيته بيرن عليا إتكلمنا سوا لحد ما نمت
أنت حجزت القاعة ال هيتعمل فيها الفرح يا غيث
لاء ما إحنا مش هنعمله في قاعة
يعني إيه هتتجوزا على السطوح مثلا!!
اتوترت شوية من حدة صوتهم مسكت في إيد غيث وبصيت في عينه طمني بنظرته وبدأ يتكلم ويقنعهم
يا عمتو الفرح ممكن نعمله ونفرح من غير قاعة ومهرجان
بس أنا مش عاوزة يا ماما
اسكتي أنت
ما تتكلم يا غيث
عمتك معاها
