زوجوني معاق (كامله)
يامحمد بتنسي كل حاجه
محمد بمرح_ ياااه ع العمق بتتكلمى كأن عندك خمسين سنه ايام ايه وسنين ايه !
ساره_ ايوه انا مكملتش٢٠ سنه بس عدى عليه كتير قوى واتعلمت حاجات اكتر مما تتخيل
محمد مبسوط انه اتفتح مجال للحوار بينهم_ طيب علمينا من تجاربك ياخبره هههه
ساره بحزن_ اتعلمت ان الدنيا مش بتفرح حد ويوم ما هتفرح باى حاحه كبيره أو صغيره فجأة هتتقلب كابوس
محمد باستغراب_ ليه بتقولي كده!
ساره _ تحب تسمع حكايتى وتقولي رأيك!
محمد بسعاده _ طبعا احكيلي انا سامعك
ساره_ انا كنت شاطره اوي في المدرسه ومن الاوائل ولما رحت الثانوى فرحت وقررت اذاكر وادخل الطب واغير حياتى للأحسن بابا صدمنى وقالى لازم تدخلي أدبى العلمى عايز فلوس ودروس مقدرش عليها..كانت اول صډمه في حياتى حلمى من الطفوله راح بس اتحديت نفسي ودخلت ادبى وميأستش وذاكرت وجبت ٩٥ من غير مااخد درس واحد كنت يومها حاسه انى طايره في السما من الفرحه اخيرا هحقف حلمى اللي حلمته بعد حلمى الاول اللي اتدمر حلمت انى ادخل السن وادرس لغات واشتغل في الترجمه جريت علي بابا وانا قلبي هيقف من السعادة انى عملت حلم بديل وهحقق بابا يومها قالي والدموع في عينيهسامحينى يابنتى مش هقدر علي مصاريف اربع سنين ادخلي اى معهد سنتين عشان تخلصي وتشتغلي وتحوشى حاجه لجوزاك.. وفعلا دخلت المعهد واشتغلت بعده في مول وبقيت باخد مرتب حلو اوى فرحت انى هقدر احوش منه مبلغ كويس بس صاحب الشغل اكتشفت انه مزود لي مرتبى انا بس ولما سألته ليه!اعترف لي بحبه وطلبنى للجواز ولما رفضت طردنى
ساره_ شفت شغل تانى بمرتب ضعيف وقلت خير وبركه مادام بكرامتى لحد ما بابا قالي جايلك عريس فيه كل المواصفات أدب واخلاق وعلم ومستوى مادى وادبى.. قالي ربنا عارف انتى اتعذبتى قد ايه وعوضك بالراجل ده..فرحت وقلت خلاص هتحلو ويوم ما لبست الفستان الابيض اللي كل البنات بتحلم بيه واتعملي فرح يمكن يكون..مخطرش في بالي في يوم يتعملي زيه كنت حاسه انى طايره في السما من الفرحه لقيت عريسى بيقولي
واتخنقت في الدموع ..لقيته بيقولي انتى خدامه هتخدمينى وتاخدى فلوس مقابل كده كسر فرحتى كسرنى شخصيا ونزلت من السما لقاع الارض في لحظه
كملت ساره _ وفي يوم جه جوزى وقالي تعالي نقضى يوم حلو بره فرحت اخيرا يمكن صعبت عليه ولما
روحنا اتبسطت قوى قعدت اضحك واهزر جو محرومه منه من مده .. تعرف ايه اللي حصل جه جوزى وشدنى من دراعي قدام
الناس ولما روحنا فضل فيا ويقطع في شعرى لحد ما اغمى عليا
ساره پبكاء_ ايه رأيك ياياشمهندس في القصه دى عرفت ليه بقولك ان الدنيا مش بتفرح حد
التفتت ساره لمحمد لقت الدموع بتسيل علي خده زى ما بتسيل علي خدها وهى بټعيط بحرقه
محمد_ ارجوكى ياساره كفايه ارجوكى انا مستعد اعمل اى حاجه عشان تبقي مبسوطه
محمد_ لا ياساره مش عايزك توصلي لكده ربنا يقدرنى واقدر اصلح غلطتى في حقك خلاص بقي كفايه عياط وتعالي نخرج نتعشى سوا بره
وفعلا خرجوا اتعشوا ورجعوا البيت ودخلوا يناموا واتفاجأت ساره ان محمد قرب منها
صحت ساره لقت محمد صاحى وعمال يبص لها ويمسح على شعرها احمر وش ساره اوى
ساره_ احم صباح الخير
محمد _ صباح النور ياقمر
ساره استغربت اول مره يدلعها
محمد_ يلا عشان انا خدت اجازه النهارده وهفسحك فسحه ماحصلتش
ساره بمرح_ جيب العواقب سليمه يارب!!
خالد أعمل ايه يازياد من يوم ماشوفتها وانا مش علي بعضى ھموت وأطولها
زياد_ اعقل كده ماتوديش نفسك في داهيه الستات كتير
خالد_ لا دى غيرهم ماانت شوفتهاش دى خلطه كده جمال علي كسوف علي براءه استحاله عينك تيجى عليها وماتلفتش نظرك
زياد_ احنا مالنا بيها دى واحده متجوزه
خالد_ وهو الحيوان اللي متجوزاه ده يسمى راجل مشوفتش كان بيشدها ازاى من وسط الناس انا الڼار كانت بتاكلنى من جوايا ساعه ماشوفته بيشدها وهى بتتألم وزعلانه اللي يتجوز دى يشيلها في عنيه ويقفل عليها مش يعذبها
زياد_ خالد خد بالك انا كده بدأت أقلق عليك ياصاحبى وضعك مايطمنش
خالد_ انا اللي قاهرنى ان الحوريه دى تبقي من نصيب العاجز ده !!!مش هيهدالي بال الا اما اكلمها واقنعها تسيبه واتجوزها
زياد_ واضح انك اټجننت رسمى اعقل ياخالد هتروح في داهيه كده
خالد بحزن_ حبيتها اوى يازياد اعمل ايه
...
ساره ومحمد قضوا يوم روعه اتفسحوا واتغدوا بره وقعدوا في حديقه يتكلموا ويدردشوا سوا الفرحه كانت باينه علي وش ساره ودى حاجه فرحته قوى
محمد_ تحبي نروح الملاهي!
ساره_ بس انا بخاف
محمد _ مټخافيش انا معاكى
ابتسمت ساره وقالت_ طيب يلا بينا
وعدى اليوم جميل بكل تفاصيله رجعوا البيت في أخر اليوم مبسوطين جدا
ساره_ انا اتبسطت اوى النهارده يامحمد ربنا مايحرمنيش منك
محمد بسعاده ولا يحرمنى منك يا ساره وانا كمان اتبسطت اوى من زمااان اوى ماخرجتش خروجه زى دى
ساره _ اممممم هو انت خرجت زى الخروجه دى قبل كده!
محمد بخبث_ مش فاهم يا ساره تقصدى ايه!
ساره باحراج_ أقصد خرجت مع واحده قبل كده!!
محمد وهو مبسوط لما حس بغيريتها_ أكيد
ساره_ مع مين احكى لى يامحمد بليييز
محمد _ معلش يا ساره أنا أسف مش بحب أتكلم في الموضوع ده دى موضوع قديم وراح لحاله
ساره_ حاضر مش عايزه اضايقك عن اذنك
محمد_ انتى زعلتى راحه فين
ساره_ لا ما زعلتش انا هروح أخد شاور
محمد مبتسما_ طيب ماتتأخريش عليا
بعد شويه خرجت ساره ببجامه بيضاء قد ايه كانت جميله ورقيقه لاحظت نظراته ليها فتكسفت وحاولت تهرب من عنيه
ساره_ تحب أعملك حاجه تشربها
محمد_ لا خليكى معايا
وقرب منها وبعدين وقف وراها ورفع شعرها برقه وساره مستغربه! ولبسها كوليه روعه
محمد_ إيه رأيك في الكوليه
ساره بفرحه_ الله تحفه يامحمد انت جايبه عشانى!
محمد بمرح_ لا جايبه عشانى الصراحه بس قلت ادهولك لفه طبعا جايبه عشانك
ساره_ تسلم يامحمد ذوقك يجنن
محمد_ هو حلو عشان فى رقبتك بس هى اللي ادته الجمال
ابتسمت ساره وسكتت ونظراته ليها محوطاها وقرب منها ومسح على شعرها وباس جبينها وضمھا جسمها اترعش من الخضه لانها أول مره يعمل كده بص لها لقي وشها أحمر جدا ضحك على منظرها
محمد_ مالك ياساره ايه اللي حصلك!
ساره_ انت قليل الأدب علي فكره
ضحك بصوت عالي وكانت أول مره تشوفه بيضحك
محمد _ كده يا ساره بقي انا قليل الادب
ساره مبتسمه_ ايوه
فقرب منها تانى وضمھا لصدره وقلبها نبضه بقي عالي وطبع قبله علي شفايفها تانى حاولت تبعد من كسوفها لكن دراعه كان محاوطها
...
ذكى_ كلمتى الولاد النهارده يازهره
زهره_ ايوه كلمتهم ربنا يهدى سرهم كانوا النهارده بيتفسحوا وأول مره احس صوت البنت مبسوط كده
ذكى_ ربنا يهديهم لبعض والله انا خاېف من محمد ابنك
زهره باستغراب_ ليه !
ذكى_ البت صغيره ورقيقه وانتى عارفه محمد عصبى وقلبه جامد انتى ماشوفتيش منظر البت في الايام اللي قضوها هنا قبل السفر كانت حزينه ومش طبيعيه
زهره_ انت هتقلقنى ليه ياذكى انا مكلماهم النهارده ومبسوطين وزى الفل ادع لهم ربنا يهديهم لبعض
صحى محمد الصبح لقي ساره لسه نايمه مارضاش يصحيها دخل ياخد شاور خرج مالقهاش على السرير نادى عليها كانت في المطبخ بتجهز الفطار
محمد صباح الخير يا قمر
ساره_ صباح الخير يلا الفطار جاهز فطروا
محمد_ هروح البس عشان كده هتأخر
ساره ساعدته يلبس هدومه وخرج
سمعت
صوت رساله جايه علي تليفونها فتحتها لقت خالد باعتلها.. بحبك ياساره وصدقينى مش هسيبك ولازم هتكونى ليا في الأخر.. قلبها اتنفض وحست پخوف وندم
انها ادت رقمها لمراته وقعدت محتاره مش عارفه تعمل ايه! تخبى عليه زى المره اللي فاتت ولا تصارحه! لقت زهره بترن عليها
ساره_ الو ازيك يا ماما زهره اخبارك
زهره_ الحمدلله بخير ونعمه اخبارك انتى ايه ياحببتي واخبار محمد ايه
ساره_ الحمدلله كويسين
زهره_ مالك ياساره! حاسه صوتك مش عاجبنى
ساره بقلق_ مش عارفه يا ماما أقولك ايه
زهره_ قولي يابنتى قلقتينى
ساره_ حكت لها علي رساله خالد
زهره_ سيبك منه ولا تعبيريه
ساره_ لا انا هقول لمحمد انا خاېفه يحصل زى المره اللي فاتت
زهره_ مره ايه يا ساره فهمينى
ساره_ هو محمد مااتصلش بيكى وسألك علي موضوع الرسايل دى
زهره_ لا ولا جابلي سيرتهم خالص
حست ساره بالسعادة لان محمد صدقها ووثق فيها لما حكت له ومتصلش يتأكد من ماماته
ساره_ محمد شاف الرسايل ياماما اللي قبل كده
زهره بخضه_ بجد يانهار اسود وعمل ايه
ساره_ اللي حصل حصل دلوقتي أنا عايزة اعرف اتصرف ازاي الرساله دى قلقانى أول مره يتكلم بجرأه كده
زهره_ بصي يا ساره طلعي الشريحه من التلفون واقعدى خربشى فيها لحد ما تبوظ وقولي لمحمد يجيبلك خط جديد برقم جديد وما تديهوش لحد
ساره وحست بارتياح_ خلاص ياماما هعمل زى ما قولتى لي ومش هقول لمحمد انا اصلا مش عارفه هو عمل ايه معاه بعد ما شاف الرسايل قبل كده
زهره_ ربنا يسترها من عنده ابقي طمنينى يا ساره عليكم
ساره_ حاضر يا ماما
ساره عملت زى ما زهره قالت لها وبوظت الخط وقعدت قلقانه
ساره في نفسها_ يعنى ياربى ماصدقت الامور هديت بينى وبين محمد هو لازم يبقي فيه سيئه في حياتى
قامت اتوضت وصلت ودعت ربنا يكتب لها الخير ويبعد عنها الشړ جهزت الغداء واستنت محمد لحد ماسمعت صوت فتح الباب راحت تستقبله
ساره بابتسامة_ حمدالله عالسلامه
محمد_ الله يسلمك ياساره وقرب منها وباس جبينها
ساره_ اجهز الغداء!
محمد _ لا استنى هاخد شاور الاول واتكلم معاكى شويه في موضوع
ساره بقلق_ حاضر زى ما تحب
خلص محمد الشاور وساره قعدت تستناه وهى قلقانه _ ياترى فيه ايه!!
اتفاجأت ساره شهقت بخضه لما لقت محمد داخل عليها وهو عارى الصدر
محمد _ معلش التيشرت وقع منى في الحمام وانا بحاول ألبسه بطلي بقي كسوفك ده
ساره بارتباك_ انا هخرج لما تخلص
وقف قدامها وقالها_ لا مش هتخرجى انتى لسه حاسه انى غريب عنك! انا مش عايز اضغط عليكى ياساره في حاجه بس بزعل لما بحس انك بتعاملينى زى واحد غريب
ساره_ لا مش حكايه غريب بس انا بتحرج زياده الطبع ده حاولت اتخلص منه كتير ماعرفتش
محمد _ ده احلي حاجه فيكى متتخيليش نظرتك وانتى مكسوفه بتبقى حلوه ازاى بتاخد قلبي معاها وخدودك الحلوه دى لما بتحمر ببقي عايز اكلها
مسك اديها وحطها علي صدره حست ساره بڼار خارجه من وشها
ضحك محمد_ ايوه بالضبط زى دلوقتي وباس خدها
شالت ساره ايدها من علي صدره_ تصدق انت رخم
محمد ضاحكا_ احبك وانت مكسوف ياقمر انت
ابتسمت ساره اول مره يقولها بحبك
محمد _ ماسألتيش ايه الموضوع اللي كنت عايزك فيه!!
ساره_ اه صحيح إيه الموضوع!
محمد_ انتى مش كان نفسك من زمان تدرسى لغات وتشتغلي في الترجمه
ساره_ ايوه بس
