العنيدة

ممنوع اتدلع وللا إيه 
وللا تقصد إن الدلع مش لايق عليا مثلا !! وطبعا طبعا عملت نفسي مقموصه وفعلا فهم انى مقموصه ونبرته اتغيرت وبدأ يلين ويتكلم كأنه بيراضينى 
لأ طبعآ ولا حاجه من اللى بتقوليهم دول خالص 
انا بس قصدى انى يعنى مش متعود منك إنت بالذات على كده خالص طريقتك وكلامك دايما جد جدا 
واصلا إنت بالذات يليقلك كل الدلع وتدلعى براحتك عالاخر بس عليا انا بس ومعايا انا بس 
بصراحه اتفاجءت انا اصلا كنت بعمل كده عشان ابينله انى دلوعه وهتعبه بدلعى عليه ده غير إنه زمانه فهم انى عنيده من حركات الموبايل وقفله وانى ماسمعش كلامه وافتح الموبايل وكده ودى الصفات اللى قلهالى الللى كانت سبب لفسخ خطوبته السابقه وأنا وبرغم انى من جوايا معجبه بيه كعريس بس قلت اعمل كده عشان لو ناوى يسيبنى يسبنى من دلوقتى قبل ما اتعلق بيه اكتر ومن ناحية تانيه حطيت احتمال ان الجوازه تتم فقلت أفهمه من الاول انى براحتى وانى مش هبقي طوع ايده ذى ما ممكن يكون متخيل 
ده غير كمان انى حبيت أفهم فعلا إن كان بيحبنى بجد وممكن يستحمل حركاتى وللا كله تمثيل 
وبرغم انى كنت حاطه كل الاحتمالات دى بس اتفاجءت بردوا من رد فعله اتفاجءت واتبسطت ممممممممممم مممم اقولك على سر 
يااااااااااااريت بس إنت متأكده انك مرام بجد
ههههههههههههههههههه ههههههههههههه 
مرام ! إنت قاصده تجننينى صح 
ههههههههههههههههههه لأ خااالص بس هو ده السر 
اللى هو 
أنا اصلآ ده طبعى و دى طريقتى حتى عمى نفسه بيقول انى اكتر بنت دلوعه فالعيله 
بس لا أخلاقى ولا تربيتى ولا طباع بابا بتسمحلى أظهر الدلع ده قدام أى حد غريب أو أى شاب من قرايبنا 
وعارفه طبعا انه غلط جدا جدا إنى اتكلم على طبيعتى معاك بس هو انا كده أوقات من كتر ما بفضل أمثل دور الجد أوى بييجى عليا أوقات ماببقاش قادره أكمل تمثيل ذى دلوقتى كده بس بإذن الله هحاول ده مايحصلش تانى 
ممممممممممم وحاجه كمان يا كابتن بلاش الكلام ال الناعم ده وكده عشان مايصحش خالص حضرتك
اييييييييييييه كل ده ! 
طيب انا أرد على ايه وللا إيه دلوقتى ! 
وايه كابتن دى 
طيب اومال اقول ايه 
اسمى عمرو على فكره 
ههههههههههه عرفت الحكايه دى فعلا 
والله ! كويس خالص ده تقدم كبير 
بصي بقي يا مرام وخلينا نتكلم جد شويه  
انا المفروض مابقتش غريب ذى ما انت عماله تقوليلى وتفهمينى من أول المكالمه 
و انك تكونى على طبيعتك معايا هو الوضع الطبيعى  
ولما انا اقولك تدلعى عليا براحتك وان الدلع لايق عليكى ده مش كلام ناعم خالص على فكرة دى الحقيقه و ده اللى جوايا فعلا 
وفعلا انت عندك حق مش الشبكه اللى هتربطنا
ببعض أكيد فى حاجات تانيه أهم وأقوى بكتير  
بس انا عايزك تعرفى انى بعتبر خطوبتنا وارتباطنا ده حاجه كده شبه المعجزة بعد كل السنين والظروف دى ف مش هسمحلك بجد تتفهى ارتباطنا كده أو تعامليه على إنه حدث عادى أوى كده وده كان سبب زعلى ولومى انك ماقريتيش معانا الفاتحه  
كان نفسي أحس انك فرحانه ذيي وبتقريها من قلبك 
ايه الأخ الأوفر ده هو أنا اصلآ كنت اعرفك يابنى وبينا قصة حب وأنا معرفش وللا إيه! ! بس انا اعتقد انك عارف السبب وعارف ايه اللي سبب زعلى
عارف يا مرام ووالله تعبت من الحكايه دى لانها طولت وبقت مش حلوه خالص  
ومع ذلك مستعد اقعد اشرحلك تانى وبالتفاصيل اللى عايزاها كلها كمان بس بلاش تضيعى فرحة خطوبتنا كده 
وفعلا فى كلام ومواضيع أهم بكتير المفروض هى اللى نهتم بيها  
مرام ! 
نعم 
إنت فعلا مش موافقه على جوازنا 
و اتنهدت تنهيده طويله أوى لأنى فعلا مش عارفه حاجه ومتلخبطه عالاخر وتايهه 
كل دى تنهيده الموضوع صعب للدرجادى ! 
وأنا فى نظرك سيء أوى كده 
اكيد طبعا مش قصدى كده خالص  
و لأ انا مقدرش طبعا اقول ان حضرتك سيء وسورى بجد لو كان ده هو اللى فهمته من كلامى  
بس انا فعلا زعلانه أوى من الكام موقف اللى ناقشتك فيهم  
وعشان كده حاسه بلخبطه شويه 
وأنا متعوده إن اللى جوايا مابعرفش اخبيه خالص  
طيب انت شايفه ايه اللي اعمله ويطمنك 
بس بجد يا مرام ده هيبقي آخر حاجه فالموضوع ده ونقفل عليه بقي عشان ماياخدش اكتر من حقه وياثر علينا 
ساكته ليه 
عشان معرفش ولو كنت عارفه كنت استريحت 
طيب نسيبه للوقت وأنا متأكد بإذن الله إن كل ده مش هيبقاله قيمه بعد كده  
ويمكن لما تعرفينى كويس كل حاجه تتحل 
ربنا يسهل 
بس معلش احنا كده بقالنا كتير اوى بنتكلم وبابا اصلا مش بيحب كده ولولا انه فالشغل ماكنتش هعرف أطول كده 
وأنا هعتبر المكالمه دى استثناء على فكرة 
فاهم ماتقلقيش 
بس احنا فعلا محتاجين نتكلم سوا 
مفيش عندك حل يفك الاستثناء ده 
لأ مفيش عندى ليك انت بالذات أى حلول 
يا ساتر ليه كده طيب 
والله حضرتك من الاول مشيت على طريقة بابا يبقي تلتزم بقواعد بابا مش قواعدى انا خالص 
ههههههههههههههههههه يعنى لو كنت مشيت تبع قواعدك انت من الاول كان الوضع هيختلف 
ممممممممممم اكيد 
لكن انت سبتنى واقفه فالبلكونه ودخلت قريت الفاتحه مع بابا يبقي خلاص 
أولا انت ذى ما قلت قبل كده ظالمه ومفتريه لأنك فاهمه كويس انى ماكانش ينفع اعمل غير كده فالموقف ده 
أكيد يعنى ماكانش ينفع ادخل اقولهم يللا يا جماعه مفيش قراية فاتحة لحد ما أقدر اصالح بنتكم و اقنعها 
ثانيا مستعد اعمل اى حاجة وتمشينى على قواعدك انت ويبقي فى استثناء على طول ليا انا بس 
استثناء بعد ظالمه ومفتريه !!!!!!!
من عنيا هتشوف أحلى استثناء بإذن الله 
ههههههههههههههههههه ههههههههههههه وجباره كمان 
ومتعبه وعنيده وقلبك مايعرفش حاجه عن اللون الأبيض 
يا عينى 
وايه اللي جابرك على كده 
ممكن تهرب على فكرة 
ههرب بيكى بإذن الله يوم الفرح وهمشيكى على قواعدى انا  
ووقتها هتعرفى مين عمرو اللى مطلعه عينه كده وهتعرفى غلاوتك عنده ايه رأيك 
إنت 
ههههههههههههههههههه بتشتمى من غير صوت صح !
على فكرة عيب ههههههههههههه 
ماشي انا اللى غلطانه اصلا انى رديت 
ههههههههههههههههههه خلاص ماتزعليش بس لو انت معتبره ده من ضمن الكلام الناعم اللى بتقولى عليه ف معلش مش هقدر أوعدك ابطله لأنه والله بيخرج منى كده من غير ترتيب 
وأنا شايف إن حل الموضوع ده إننا نكتب الكتاب لحد ما نقرر معاد الفرح ونجهز كل حاجة 
جميل أوى والله 
أول مكالمه بينا نتكلم فيها عن كتب كتاب !!!!
خلاص انا رأيي كفايه كلام بقي ويللا حضرتك عشان فى عندى مشوار انهارده بعد المغرب واصلا لسه محتاجه وقت اقعد أفكر إن كنت اروح المشوار ده وللا لأ 
ههههههههههه مشوار الشبكه ده اجبارى يا باشا مش اختيارى مادام انت بقي عايزه تمشينى على قواعد باباكى 
قفلت وأنا مبسوطه 
آه لسه جوايا شوية حاجات قلقانى بس ما أقدرش أبدا أنكر إن المكالمه دى فضلت انا مستنيه ربعها حتى طول السنه والنص اللى فاتوا اللى كنت مخطوبه فيهم 
وجهزنا ونزلنا نشترى الشبكة 
بابا رفض انهم ييجوا عندنا ونتحرك كلنا سوا  
قالهم يسبقونا وإحنا نروح بعدهم 
وماتسالوش عن السبب هو بابا كده 
المهم وصلنا ولقيناهم موجودين  
وأنا لو ماكانتش المكالمه اللى بينى وبينه دى حصلت كنت هقابله عادى خالص وابصله كمان  
بس معرفش ليه سيطرت عليا حالة لخبطه لذيذه كده اول ما دخلنا و لمحته  
ومقدرتش بعدها ابص ناحيته 
كنت مستغربه نفسي أوى 
أصل مش ده طبعى خالص أو يمكن أكون كنت فاهمه نفسي غلط وللا حاجه 
قبل ما نبدأ ننقى وأنا اصلا كنت حامله هم الموضوع ده لأن وكالعادة كنت ناويه اختار أى حاجه كده و بسرعه عشان بابا ماينكدش عليا لما نروح لأنه عمل كده فى شبكتى السابقه وقتها فضلت أختار براحتى وللأسف وقتها ماكانش فى حاجات كتير عجبانى وبقي نفسي اقولهم نغير المحل بس مقدرتش ولما طولت لقيت بابا ب يبصلى بطريقه رهيبه خوفتنى واضطريت اختار أى حاجه وخلاص ولما روحنا فضل يزعق ويقول انى بتمايص وادلع قدام الناس وكانت ليله كءيبه 
أول ما الراجل بدأ يعرض علينا الحاجات حسيت إن بابا وعمى ووالد عمرو اختفوا من حوالينا 
اتبسطت جداااا وبدأت اختار براحتى انا و مروه 
وكانت مامتى ومامته ومراة عمى واقفين جنبنا بيختاروا فى حاجات تانيه بردوا 
وأنا كنت ھموت من القلق لأن عمرو واقف جنبى انا و مروه ولو بابا شافنا هيبهدلنى
وعشان المصېبه تكبر اكتر قرب عمرو اكتر وبدأ يكلمنا 
مرام 
نعم 
الأول أذيك عشان بقالى كتير اوى ماكلمتكيش بناء على تعليماتك 
ظريف أوى ومش وقتك خالص على فكرة اه فعلا بقالنا حوالى 4 ساعات من آخر مكالمه  
والحق يتقال بصراحه إن حضرتك بتنفذ التعليمات بالظبط 
مروه هههههههههههههههه كتير اوى فعلا بلاش القسۏة دى يا مرام 
قوليلها يا انسه مروه عشان منشفاها عليا عالاخر 
ماتقلقش خالص بابا جاى دلوقتى وهينشفها علينا كلنا وانفجروا الاتنين فالضحك 
عمرو ههههههههههههههههههه عندك حق اصلآ عمك اخدهم وخرجوا عشان ننقى براحتنا 
مرام مروه ابوكى ده ملاك يا بنتى والله وابقي فكرينى اكافؤه لما نروح 
عمرو وانا ماليش مكافأة !!
لا إله اللا الله 
عمرو ههههههههههههه خلاص خلاص هسكت 
يللا اختارى براحتك ولو مفيش حاجة هنا عجباكى قوليلى ونروح مكان تانى 
وبرغم إنها جمله عاديه وبرغم انه ممكن يكون بيقول كده مجرد كلام مجامله وخلاص بس بجد فرحت بيه اوى والانقباض اللى فقلبى بيفك كل شويه بالتدريج معاه أحم لأ فى
حاجات كويسه شكرا قلتها وأنا مكسوفه جداااااا 
وكلنا اختارنا سوا وخلصنا الحمد لله 
وبابا رفض تماما أى محاوله منهم إننا نروح نتعشي سوا فى أى مكان  
حتى والد عمرو فضل يقنع بابا نروح عندهم البيت وبالمره انا أشوف الشقه اللى هنتجوز فيها  
بس بابا رفض بشكل قاطع 
و روحنا البيت 
وبعد ساعه كده لقيت رساله من عمرو 
ممكن استثناء يخليني اتصل بيكى دلوقتى 
لأ 
يا ساتر طيب امتى 
بكره بإذن الله 
يبقي لسه زعلانه 
بابا فالبيت والوقت متأخر 
عندك حق كان نفسي اتكلم معاكى تصبحى على خير مبروك وعقبال فرحنا 
فضلت وقت طويل متنحه ومبتسمه 
اليوم كله كان جميل من أول مكالمتنا سوا وشړا الشبكه ولحد الرسايل 
إحساس لذيذ كده 
يخليكى مش عارفه تشبعى منه أبدا 
لدرجة إنى فكرت بجد أخطط و أشوف طريقة نقدر بيها نتكلم سوا الليلادى قبل ما ننام ومن غير ما بابا يعرف 
بس عقلى قام بواجبه ومنعنى تماما 
ماكانش ينفع ااخده عليا من الاول كده على طول  
وأكيد ماكنتش عايزاه يحس انى فرحانه بيه وعايزه اكلمه للدرجادى 
اه عايزاه يحس