قاصر

_قاصر 
P 1
يعني اي موافقه يعني اي عايزة تتجوزي انت عارفة انتي عندك كام سنه! انت اتهبلتي
مريم عارفه مش فاهمه ليه كل العصبية دي اي يعني لما اتجوز وانا في تانيه ثاناوي خربت الدنيا يعني
ي بنتي انت لسه صغيرة..وبعدين انتي مفروض تهتمي بدراستك ومستقبلك لكن جواز جواز اي بس !
و بعدين احمدي ربك انتي مولودة في عيله متعلمه وبتهتم بتعليم البنات ومش بينهوا حياتهم بالجواز زي ما كان بيحصل زمان يبقي ليه انتي تنهي حياتك

مريميووووه علي فكرة دي حياتي وانا مش صغيرة عشان حد ياخدلي قراراتي...وبعدين هو هيجيب كل حاجه الشقه والعفش والاجهزة وكل حاجه وانت مش هتدفع مليم مش موافقين ليه بقي
هي فكرة فلوس دا مبدأ انتي طفله عارفه يعني اي طفله هتخلفي ازاي وانتي لسه صغيرة كدا انت مفروض تبقي مسؤوله من حد مش مسئوله علي حد!!
مريم والله انا حرة..وانا عايزة اشيل مسئولية من دلوقتي
تعالي بقي ي دلال اتصرفي مع بنتك دي لحسن انا مش عايز ازعق عليها
مريم هتزعق عليا ليه ي بابا انت واخد الموضوع علي اعصابك
انت اټجننتي ي مريم بتقوليلي انك عايزة تتجوزي مفروض مني اقوم ازغرطلك اتفضلي ادخلي علي اوضتك ومتتكلميش في الموضوع دا تاني بلاش قله قيمة..!
مريملا ي بابا..انا هتجوزه يعني هتجوزه !
_انت قليله الادب ازاي تكلمي باباكي كدا اتفضلي علي اوضتك يلا
دخلت اوضتي وانا زهقانه..مش فاهمه ماما وبابا رافضين جوازي من هشام ليه
هشام بيحبني وغني جدا كمان وجه اتقدم لبابا ودخل البيت من بابه دا غير ان اخلاقه عاليه ومحترم وبيشتغل في وظيفه كويسه وفوق كل دا بحبه وبيحبني اهله ناس محترمين وطيبين وهيعاملوني كويس بابا بقي مش موافق ليه اي حجته يعني ما انا هكمل تعليم بس و انا متجوزاه لازم اقنع بابا لازم الاقي طريقه
دخلت بسمه خرجتها من كل التفكير دا لسه بتفكري في التخلف الي كنتي بتقوليه وبتتخانقي مع ابوكي عليه
دا مش تخلف ي بسمة انت مجربتيش احساس انك تحبي ومش بس تحبي كمان تحبي الانسان الصح و الكويس
طبيعي ي مريم الي سنك يحبوا عادي ايا حبيبتي بس دا مش معناه انك تعملي حاجه مش منطقية زي دي ما كلنا حبينا واتحبينا ومحدش بيعمل الي عايزة تعمليه دا!!
دا غلطي اني عايزة علاقتنا في الحلال بدل ما بنغضب ربنا مش احسن ما اروح اكلمه وارتبط بيه ويبقي حرام 
وبعدين ما ياما بنات بيجيلها عرسان وهي في ثاناوي وياما بنات بردو بتتجوز وهما صغيرين عادي يعني 
وبعدين انا عايزة ابدأ حياتي بدري ويكون ولادي قريبين من سني واخلص من الهم بدري .
ي حبيبتي انا مقولتش اغضبي ربنا بس دا مش وقت مناسب حبي مقولتش حاجه بس اتحكمي في مشاعرك وبعدين الي بيجيلهم عرسان بيتخطبوا في ثاناوي ولما يخلصوا يتجوزوا انتي عايزة تتجوزي علطول دا غير انك ١٦ سن يعني قاااصر كمان 
وبعدين البنات الي بتتجوز وهما صغيرين دول انتي عارفة حياتهم عامله ازاي المسئوليات الي عليهم اي حياتهم شكلها اي
كل حاجه هتيجي بس في الوقت المناسب .
هتكون عامله ازاي يعني انتو مفكرين ان حياتهم صعبه عشان المسلسلات والحكايات بتصور لنا كدا..انما محدش جرب والله وجه قالك .
ايا كان انتي دلوقتي مفروض تهتمي بدراستك ومستقبلك وبس وسيبك من التخلف الي بتقوليه دا
هو انا قولت هبطل تعليم هتعلم وانا معاه ومتجوزين ..عادي
هتتعلمي وانتي شايله عيل هتربيه ازاي اذا كنتي انتي لسه بتتربي
بسمه..انا هتجوزة يعني هتجوزه
وريني هتتجوزيه ازاي
خرجت بسمه م الاوضة وانا فضلت اقول لهشام يستناني لحد ما اخلص 
مريمالو ي هشام 
هشامالو ي مريم في حاجه وافقتوا
مريمي هشام بابا رافض نتجوز..بيقولي اني لسه صغيرة ومفروض تركزي ف تعليمك
هشاممش صغيرة ولا حاجه انتي هتبدأي حياتك بدري وكدا احسن عشان ولادك يبقوا قريبين من سنك وغير كدا هتكملي تعليمك عادي بس وانا معاكي.
مريمانا لسه متخانفة معااه وهو رافض وعمالين كلهم يزعقو
هشامللأسف ي مريم انا مش قدامي اي حلول انا جيت اتقدملك وعملت كل الي اقدر عليه
مريمطب استناني اكبر شوية واخلص علي الاقل اخلص الثانوية
هشامبصي ي مريم..انا موعدكيش اني هستناكي اوعدك اني اقدر اتجوزك دلوقتي انما اني استناكي دا حاجه موعدكيش بيها
مريمليه ي هشام
هشامممكن بعد
ما استناكي واجي اتقدم ابوكي ميوافقش.. وابقي كدا مستفدتش حاجه وممكن يحصل اي حاجه ف شغلي وساعتها مبقاش مقتدر .
مريمانا هقوله تاني هو لازم يوافق .
قفلت مع هشام يا تري بابا هيوافق ازاي انا مش هقدر اقنعه لانه رافض ألفكرة اساسا..وبسمة بردو وماما كمان محدش فيهم في صغي يعني النقاش معاهم مش هيغير حاجه او هيغير رأيهم اهرب..لالا مش ههرب اصلا هشام مش هيوافق اني اهرب وانا عايزة عيلتي جنبي في فرحي مش عايزة اتجوز وهما مش جنبي
طب اعمل اي لازم الاقي حل اخليهم يوافقوا لازم احطهم تحت ضغط ايوه كدا هيوافقو طب اعمل اي هعمل نفسي اني
هنتحر ساعتها
هيخافوا
عليا ويسيبوني اتجوزه..ومع الوقت هيعرفوا ان قراري صح
خرجت من الاوضه ودخلت اوضة والدي واخدت الادويه بتاعته..ورجعت اوضتي تاني وفتحت اول شريط لسه بقول يا هادي
بسمةانتي بتعملي اي اي الي ايدك دا هاتي .
ي نهار ابيض ي مريم..انتي عايزة تاخدي ادوية عشان ي متخلفة
وكل دا ليه عشان رافضين انك تتجوزي وانتي في السن دا لا انتي بجد مش طبيعية
دلالاي ي بنات صوتكوا عالي ليه
بسمةمريم ي ماما هتاخد ادوية بابا عشان ..عايزة ټنتحر
دلالاي ي مريم دا انت ازاي تعملي او تفكري حتي ف حاجه زي كدا انتي مش عارفة ان كدا هتخسري دنيتك وآخرتك
مريمانا ي ماما مش عايزة اعيش من غيره هو عمل الي عليه ودخل البيت من بابه وانتو رأفضين وانا قولتلوا ان دا قراري وانا الي هتحمل مسئوليته
دلال انا مش عارفه مين لاعبلك في دماغك كدا ومعرفش اي الي جرالك انتي مش مريم بنتي
مريم يا ماما ارجوكي افهميني دا قراري انا عايزاكو تقتنعو مش عايزة اعمل حاجه ڠصب عنكو والي عايزة اعمله لا عيب ولا حرام
دلال بس غلط غلط ي مريم
مريم انا هتحمل نتيجة الغلط ا
دلالعايزة تتجوزيه ي مريم
مريماه
دلالمادام انتي عاوزه كدا وعايزة تنهي حياتك بالشكل دا خلاص براحتك بس صدقيني هتتدمري والحاجات دي مش هينفع فيها الندم او انك ترجعي عن قرارك
مريمعادي..انا هتحمل كل حاجه
دلالانا هسيبك تفكري تاني كويس
مريم لا ي ماما انا موافقة ..انا مش محتاجة افكر
خرجت ماما ومردتش عليا وقعدت بسمه ع السرير الي قصادي ي مريم افهمي الي انتي عايزة تعمليه دا غلط انتي لو اتجوزتي مش هتقدري ترجعي عن قرارك دا تاني
مريمانا مش هرجع عنه
بسمةانتي لسة صغيرة احنا عارفين مصلحتك فكري ي مريم ارجوكي انا مش هبقي فرحانة وانا شايفاكي كدا ومش قادرة اعمل حاجه!
مريم شايفاني اي انتي زعلانه عشان هتشوفيني فرحانة انتو ليه مش قادرين تفهموا ان دا قراري وانا هتحمل المسئولية انا مش صغيرة علي فكرة ودي حياتي وانا حرة فيها
خرجت بسمة من الاوضه وبعد شوية سمعت صوت بابا بيزعق...ماما تقريبا كانت بتقوله وبعد شويه مبقاش في صوت خاالص ولقيت بابا دخل الاوضه عندي وقالعايزة تتجوزي ي مريم
اه
انتي عارفة نتيجة الي هتعمليه دا اي
اه
وهتتحملي كل حاجه
اه
_يعني موافقه 
_اه ي بابا موافقه
_طب فكري ي بنتي صلي استخارة طيب
_مش محتاجه ي بابا ودا مش هيغير حاجه في قراري
مشي خطوتين وراح للباب واداني ضهره بكرة الصبح تديني قرارك النهائي ..
مش فاهمه اي لزومة الوقت يعني انا موافقه من دلوقتي بس مش مشكله .
صحيت تاني يوم وانا كلي حماس جريت علي برة اول ما صحيت وقعدنا فطرنا في جو صامت علي عكس الايام التانيه بنبقي بنضحك وبنهزر لحد ما بابا قطع صمتي وقال فكرتي ي مريم 
_قولتلك يا بابا اني مش محتاجه افكر انا موافقه
_كان عندي امل ترجعي عن الهبل الي في دماغك دا بس هتصل علي عيلة الولد واقولهم اننا موافقين
قام بابا وبعدها ماما قامت وراه 
_ انت موافق علي الي بنتك هتعمله دا
_انا مش عايزها تعمل حاجه من ورانا افرضي هربت وراحت اتجوزته ولا افرضي عملت ف نفسها حاجه انا مش بإيدي حاجه غير اننا نقنعها ترجع عن الي ف دماغها قولت ل بسمه تكلمها وهي بتكلمها من امبارح وهي بردو مصرة ف خلاص لما تبقي قدام عينيا احسن .
_وبعدين هنعمل اي 
ولا قبلين انا هتصل بيهم اقولهم اني موافق وهي تتحمل نتيجه قرارها بقي
بدأت ټعيط بس يا محمد انا خاېفه
عليها مش عايزاها تدمر نفسها كدا مش هتقدر تستحمل هي كل دا
_خلاص ي دلال كفايه عياط الي يحصل يحصل بقي
انا كنت فرحانة جدا مكنتش مصدقة نفسي اتصلت بهشام وقولتله وكنت فرحانة جدا
عدت الايام اتخطبنا وبعدها بشهر كان الفرح كانت فترة الخطوبة دي احلي فترة قضيتها في حياتي..كان دايما هشام يجيبلي هدايا ودباديب ويعزمني برا ويعملي مفاجآت ويوم ما روحنا نجيب الشبكه ش قادرة اوصفلكم مدي سعادتي بالدبلة انت اول مرة يجيلي دهب كتير كدا 
ولما روحنا ننقي العفش..انا الي كنت بختاره كنت بختار اللبس والميكب والبرفانات والحاجات الي هستعملها في بيتي..انا الي بختارها..مش ماما لحساس انك تختار الحاجه بتاعتك بنفسك محدش يختارلك او يتدخل في اختياراتك
وقبل الفرح بتلات ايام
الله ي هشام...الفستان دا جميل اوي
بص دا حلو اوي هو كمان ودا ودا انا هلبس الفستان الحلو دا مش مصدقة!!
صدقي ي حبيبتي شوفي بقي انتي عاجبك انهي واحد
بجد شكرا ي هشام انا مش مصدقة ان كل دا هيبقي بتاعي وليا كل الحاجات دي جميلة اوي ..مش فاهمه ماما وبابا كانوا رافضين ليه!!
عدت التلات ايام وجه يوم الفرح روحت الكوافير وعملت شعري وحطيت ميكب كانت اول مرة احط ميكب كنت فرحانة اوي بيه وبالفستان وبشعري وبكل حاجه كنت مبهورة متخيلتش ان الجواز حلو كدا!!
صحيح اهلي مكنوش
فرحانين بس انا مهتمتش..المهم ان انا
فرحانة !
نورين_خليل
يتبع .. لينك البارت
التاني
_قاصر
P 2
صحيح ماما وبابا مكنوش فرحانين بس مهتمتشالمهم ان انا فرحانه..
كتبنا الكتاب وعملنا فرح بس صغير شوية مكنش فيه ناس كتير بس الناس الي كانت في الفرح كانت بتبصلي بإستغراب صحابي وقرايبنا عمالين يقولو ليه عملتي ف نفسك كدا ومنهم اسماء صحبتي الي قعدت ټعيط محسسني اني رميت نفسي ف الڼار! كلهم مستغربين اني اتجوزت وانا صغيرة بس عادي دي حياتي وانا حرة وانا مبسوطة بقراري
خلص الفرح وروحنا قضينا شهر العسل.. وعدت الايام هشام كان كويس معايا ومكنش في اي حاجه وحشة في حياتنا .. حياتي كانت حلوة بعمل الاكل الي انا عايزاه واعمل في الوقت الي بحبه وبلبس الي انا عاوزاه
وبشتري