رواية حي المغربلين
القلق عليها فهي لا تعرف ماذا يريد منها قرأ ما يدور بعقلها ليكمل حديثه بصدق
_ صدقيني أنا مش عايز إلا كل خير ليها قولي بس هي مين.
_ هي فتون المسيري أخت فاروق المسيري يا فارس زميلة ليا و الكل عارف أخلاقها و احترامها.
______شيماء سعيد________
بشقة جليلة.
تتقلب على فراشها مثل الجمر مغص حاد ببطنها يأكل أحشائها من الداخل من المفترض أنها اليوم شقيقة العروس اليوم يوم فريدة و هي مجرد ضيفة شرف.
ربما دموعها جفت أو بإنتظار رؤيته بثوب العريس لتتحرر من عينيها لذلك فضلت البقاء بين غرفة أحلامها إذا علمت فريدة الحقيقة و إذا علم هو ستكون النهاية لا محالة.
أغلقت هاتفها و أغلقت عينيها لعلها تجد الراحة بنومها.
أبتسمت فريدة إبتسامة خالية من الحياة و عينيها معلقة على شاشة التلفزيون التي فصلت الأغنية و أتت فجأة بالأخبار...
أخيرا النجم فارس المهدي رجع لجمهوره بعد أسبوع كامل بالمستشفى بحاډث مجهول و غامض و قال كمان إنه هيطل علينا بفيلم جديد و العنوان مفاجأة هيقولها بعد شفائه بشكل كامل
_ أمال البنت فتون راحت فين.
فاقت من دوامة تعيش بداخلها الفترة الأخيرة بلا توقف على صوت جليلة لتقول بهدوء و صوت متحشرج
_ تعبت شوية و قالت أول ما الناس تيجي هتكون هنا.
_ طيب يا حبيبتي يلا ادخلي البسي و صحي أختك الناس تقريبا بتخبط على الباب لما نشوف الست أزهار ساكتة مش زي عوايدها ليه.
دلفت فريدة للداخل لتستعد لرحلة بدأتها شقيقتها و ستكون النهاية بقلمها هي أما أزهار أين هي كل تفكيرها بأسبوع مضى.
فلاش باااااااك..
_ مستعد أدفع ليكي عشرين مليون جنيه مقابل
لحظة و الثانية و هي تحدق به بعين متسعة هذا المبلغ لم تسمع عنه بحياتها أهذا الرجل عاقل أم فاقد الأهلية حاول الثبات بقدر المستطاع أمام مظهرها المغري..
عيون
سوداء متسعة و شفتين تكاد تصل للأرض يبدو عليها عدم الفهم و هذا ما يميز الشوكولاته طعم لذيذ بلا عقل ابتلعت لعابها مردفة بصوت متحشرج
جذبها لتبقى على مقربة منه يأخذ أكبر كم من رائحة الشوكولاته اللذيذة تفوح منها هامسا بصوت أجش
_ عشرين مليون جنيه و الخدمة بسيطة جدا جدا جدا يا شوكولاته...
هذه الفتاة مزيج بين الأنوثة المغلفة بالجمال الشرقي مع المزيد و المزيد لسان غريب عجيب تفاجأ من بعدها عنه بقوة و تلك الشرارات المنطلقة من عينيها
_ نعم نعم يا عينيا لا أنت شكلك مش ماشي معايا على الخط بقى مش عيب على شنبك و سنك تفكر كدة فاكرني ايه ده أنا أمد ايدي في بطنك أطلع بكرشك اللي حاشر فيه مال الولايا.
أشار لها بالصمت بدأ يفقد السيطرة على أعصابه خصوصا مع حديثها المستفز عن حياته الشخصية ثم أردف بصرامة
_ حطي لسانك في بوقك و اكتمي أنا صحيح بحب الشوكولاتة لكن الموضوع بدأ يدخل في المش عقلك راح بيكي لفين أنا مش عايز منك قلة أدب دلوقتي و على الأقل دلوقتي أنا عايز مصلحة تانية.
سألته بتوتر مثل الطفلة المذنبة بحق أبيها
_ آمال واحد شمال زيك هيعوز مني ايه!
أجابها بسخرية
_ شمال!!! خدي بالك البدلة دي جزء من شخصيتي.. الجزء التاني عشوائي..احترمي نفسك و ركزي معايا.
شعرت بالضيق من وجودها معه لتردف
_ اخلص بقى يا جدع أنت عاوز مني ايه!
_ تعرفي تشتغلي خدامة!
اسودت عينيها ثم وضعت يديها على خصرها مردفة بالمعنى الحقيقي للردح
_ خ ايه يا خويا خدامة ايكش تعيا و لا تلاقي
اللي يخدمك قادر يا كريم.
أليس هنا و انتهى به الأمر جذبها من جديد واضعا يده يمنعها من قول حرف آخر قائلا
_ رجل أعمال بيشتغل في الممنوع هتعملي عمل وطني لما تدخلي بيته كخدامة كام يوم و بعدين هيكون عندك عشرين مليون جنيه.. رأيك إيه ما تردي..
أشارت إلى كفه المقيد لها ليبعده عن فمها بالتدريج ببطء شديد و عينيه تحدق لتقول هي بذهول
_ أكيد لا طبعا و أنت من امتا تعرف الحلال و الحړام يمكن يكون الرجل طيب أنا مضمنكش ابدا بصراحة...
_ بقولك ايه أنا كمان بصراحة في حلم ناوي أحققه دلوقتي بس مستحيل أحط عليكي المكسرات إلا لما تكوني راضية يا شوكولاته أما موضوع رجل الأعمال فهو معروف اكتبي فوزي الخولى على جوجل و تعالي عشان نتفق.
انتهى الفلاش باااااااك...
صوت الزغاريد جعلها تعود إلى أرض الواقع من جديد مع دخول العريس و عائلته لمنزل جليلة..
بغرفة الفتيات...
_ أنتي بتقولي إيه يا فريدة مش فاهمة!.
مذهولة هي بالفعل غير مصدقة لما تقوله شقيقتها أبدا ابتلعت لعابها بتوتر و حزن لتقول فريدة بهدوء
_ ايه الصعب في كلامي يا فتون بقولك البسي عروسة و أخرجي بدل مني محدش هياخد باله من حاجة و بكده هيكون حبيبك معاكي زي ما الحكاية بدأت بكذب لازم تنتهي بنفس الطريقة أنتي دلوقتي قصاد الكل فريدة و الفرق مستحيل حد ياخد باله منه....
_____شيماء سعيد_______
استغفرالله لعلها ساعة استجابة
الفصل السادس.
بداية_الرياح_نسمة
حي_المغربلين
الفراشة_شيماء_سعيد
جاء عابد مع عائلته الكريمة لتزيد حلاوة الأجواء جلس على مقعد بالصالون و عينيه على باب غرفة مغلقة قلبه على يقين أنها بداخل تلك الغرفة..
متشوق و مشتاق لرؤيتها ليريح قلبه و يطمئن عقله بوجودها بجواره على الجانب الآخر فتحت باب الغرفة بكف يد مرتجف لتظهر رويدا رويدا.
يا الله على لذة اللحظة و دقات القلب التي تقرع مثل الطبول جميلة لا بل هي بالحقيقة أكثر من فاتنة تقوده للهفة الغرام أشارت إليها جليلة بالاقتراب و الجلوس بالمقعد المجاور له..
بتوتر و خجل رفعت طرف عينها لتتأمل طلته بتلك البذلة مع رفرفة رائحة عطره المميزة تدغدغ مشاعرها.
أخفضت عينيها سريعا مع تدقيقه بأدق تفصيلة صغيرة بها اليوم يوم عمره أخذ خاتم الخطوبة من جليلة و مد لها يده ليظهر كفها
الموضوع به خاتمه الأصلي بابتسامة مشرقة
_ دبلتي بقت في إيدك يا فريدة الحلم ده حلمنا.
ردت إليه الإبتسامة بخجل قائلة
_ شكلك حلو أوي في البدلة يا عابد.
خرج الجميع من الغرفة و تركوا لهما بعض المساحة اقترب بالمقعد
لها أكثر لو بيده لأخذها بأحضانه مردفا
_ عارف إني وسيم جدا لما جيت أتقدم شكلك كان مدايق و أنا كمان مكنتش مرتاح كان فيه حاجة ناقصة يا فريدة النهاردة الدنيا كلها بين ايديا.
نطقه لحروف إسم فريدة قاسې جدا على قلبها لطالما تمنت هذا اليوم و تخيلت حروف إسمها ربما يكون قلة ثقتها بنفسها السبب الأكبر بهذا يكفي حديث فريدة لها..
_ أنا عارفة كل حاجة يا فتون و عارفة إنك مفهمة عابد إنك فريدة أنتي جميلة جدا من جوا و من برا مش محتاجة تبقي زي حد أو تبقي مكانه لعبتك كمليها بس لو جليلة كشفتك أنا ماليش دعوة.
هدفها الوحيد الآن زرع حبه لفتون مثلما زرعت حبه لفريدة
_ عابد بصراحة أنا متلغبطة و في كلام كتير جوايا مش عارفة أعبر عنه بس متأكدة إن إحساسي واصل ليك كويس أوي زي ما أنا حاسة بيك.
بالخارج.
سندت جليلة رأسها علي الحائط سعيدة لأنها بدأت بتحقيق رسالتها ربما لم تستطيع أخذ حبها كما تمنت إلا أنها أفنت حياتها مع توأم روحها.
تابعها الحاج منصور يعلم ما بها يود لو بيده القدرة على ضمھا و إزالة كل ما بداخلها حبيبته أمام عينيه و هو عاجز عن الحديث معها.
شجع نفسه و ذهب ليقف بجوارها مردفا بنبرة خشنة متوترة
_ ألف مبروك يا ست البنات.
رأيتم من قبل أحد يخرج قلوب من عينيه يسحر بها من يحدق به ها هي مثل مراهقة بأول حب لها مع زميلها بالمدرسة تلون وجهها بحمرة الخجل رغم تصنعها للجمود قائلة
_ الله يبارك فيك يا حاج عقبال مالك.
أخرج من فمه تنهيدة حارة و هو يقول بلوعة
_ و إحنا يا جليلة هنفضل نتفرج على بعض من بعيد كدة قلبك مش مشتاق لمنصور زي زمان !
أجابته بهدوء
_ إحنا كبرنا يا منصور و الدنيا أخدت مننا كتير طلعني من دماغك عشان أنا مش هكون ليك و لا لغيرك... من البداية حبي ليك كان غلط كبير كفاية كلام في الماضي أنا معنديش استعداد افتكر حصل فيه إيه.
حمقاء و ستظل الباقي من عمرها حمقاء تحمل الذنب بمفردها رغم أنها كانت فقط فتاة صغيرة رائعة الجمال عاشقة لرجل رآها بعدها تزوج تحدث بتعب
_ جليلة إللي فات انتهي لحد امتا هتفضلي كدا!
_ مستحيل ينتهي لا أنت هتنسي مۏت مراتك بعد ما عرفت حبنا و لا أنا هنسى أبويا.
_ ده مكنش حب يا جليلة ده كان عشق و أنتي كنتي مراتي قبل منها.
_____ شيماء سعيد _______
علم بما حدث مع صديقه المقرب ليقرر الذهاب للمشفي ليكون بجواره تذكر أزهار و طريقتها بالحديث حركة شفتيها الغريبة تجعلها قابلة للأكل ربما أكثر ما شد انتباهه لها تلك العباءة السوداء الملفوفة على جسدها الصغير.
تشبه الفاكهة المحرمة رغم أنها أمامه و بينها و بينه خطوة واحدة يريدها و سيصل إليها بأي شكل... فاروق المسيري صياد ماهر يعشق الشعور بالانتصار بعد الصبر.
فتح له الحارس باب السيارة على باب المشفى ليغلق زر بذلته و يخرج مرتديا نظارته الشمسية.... خلفه يعتبر جيش من الحراس دلف إلى غرفة صديقه فارس المهدي تحت أنظار الصحافة و ركضهم خلفه من أجل أخذ كلمة واحدة.
اعتدل فارس بمكانه متوترا خصوصا بعدما علم هوية فتاة ليلته المميزة إقترب منه فاروق بإبتسامة مرحة قائلا
_ يا أخي الصحافة دول عليهم كلام ما أنت أسد أهو فيك إيه يعني بس غريبة يا فارس من امتا و أنت بيكون معاك بنات في البيت و ليه البنت دي عملت كدة!
ابتلع فارس لعابه لا يعلم كيف يرفع عينه بعين صديقه و يرد عليه أخذ نفس عميق قائلا
_ مش فاكر حاجة إلا إني كنت مستنيك في المكان بتاعنا و معايا المخرج و صفا علام بعدين مش عارف حصل ايه!
تعجب فاروق
