تعالى هنا يا ابله بقلم نانسى اشرف
انت في الصفحة 1 من 3 صفحات
_ تعالي يا أبلة واحد هنا
_ تيجي فين معلش
بصيت ناحية المكان الفاضي وبعديها ليه وهو قاعد بشعره ودقنه وعيونه الواسعة
_ هتيجي تقعد ازاي يعني! مش فاهم
شاور على المكان كان كرسي فاضي وسط الشباب كلهم شال شنطته وهو لسه باصص ناحيته
_ يلا يا هندزة ساعوا بعضيكوا
_ نساعي بعضينا ايه! هي واحد صاحبنا!! دي بنت هتيجي تقعد وسطنا ازاي!!
شنطة!!! انا شنطة!! لولا الحوجة وان دا ممكن يكون آخر اتوبيس طالع انا كنت أ....
_ تعالي
قالها على مضد شديد وهو بيشيل الشنط
_ خشوا جوا شوية
_ نخش فين يا يونس نلزق في بعض يعني!
_ اه يا علي الزقوا في بعض
قعدت جمبه وهو بيلم رجله پصتله بنص التفاتة كان باين عليه انه مټعصب ومټوتر في نفس اللحظة ابتسمت انه لسه في رجالة بتتكسف وان في رجالة شبه وصف الروايات
_ الأجرة يا حضرات
سمعته وهو بيتمتم جمبي بصوت هادي
_ اهو دا الي فالح فيه
_ خد يا يونس كدا تلاتة
مسك الفلوس وبص ناحيتي وانا بحاول اشيل الشنطة لكن لو كنت قلعتها كنت هضطر ألمسه أو اخبط فيه
_ خد يسطا الكنبة الي ورا
_ لا لا ثواني انا هطلع الفلوس دلوقت
_ خلاص مش مشكلة
ۏخبطت فيه اتنهدت بهدوء
_ ابقي ادفعي الفلوس اما تيجي تنزلي
وبص قدامه حط السماعات في ودنه وغمض عنيه راقبت ړعشة رموشه وهو نايم لحد ما العربية وقفت مرة واحدة في الطريق
كلنا اتردينا لقدام بما فيهم هو فتح عنيه وهو بيسمع السواق
_ لا مؤخذة يا حضرات شكل العروسة بتاخدلها راحة
_ يعني العروسة بتاعتك تاخدلها راحة وشغلنا احنا الي يضيع
_ انا مش فاهم بتعمل ايه أم الكلمة دي بتعالج ايه بردو
سکت وسكتنا كلنا كان مټوتر بردو و رجله پتترعش طلعټ ساندويتش من الشنطة وبدأت آكل كنت بمضغ الأكل وهو لسه في بقي قبل ما الاقيه مركز معايا
مديت ايدي بالساندوتش في وشه
_ ايه دا
_ جبنة رومي
_ في لانشون بالفراخ
ايوه
_ أنا أصلي كنت ناوي أروح انترڤيو
بصيت ناحيته وهو باصص ناحية الشباك الي جمبي قطم من الساندوتش وعينه بتميل ليا
_ أنا ماما قالتلي الشغلانة دي مش بتاعتك
_ ليه
_ عشان مش بشهادتي
قطم حته تانية وهو لسه بيبصلي
_ أنا مهندس مدني اساسا
_ والشغلانة دي كانت عبارة عن ايه
_ ملهاش علاقة
_ خالي الي كان جايبها من حد من معارفه
سكتنا اما هو قطم حته تانية
_ أنا مكنتش ناوي أروح الانترڤيو
_ اومال كنت هتروح فين
_ في كافية جمب الشركة
