زهرة الربيع
انت في الصفحة 1 من 8 صفحات
2345
عمار مسك ايدها وقال بزهق..بس بقى..بس يخرييت كده تعالي معايا لما اشوف هفوقك ازاي
عمار شد البنت وطلع بيها على عربيتو
عمار كان سايق بيها وهيه كانت بتغني وتضحك وتهلوس بطريقه غريبه ومضحكه وعمار كان على اخره وهيطق من الڠضب وصل بيها عند شقه جميله وشيك جدا وفتح لها الباب وقال..يلا انزلي
البنت بصتلو وابتسمت وقالت...تؤ..تؤ انا مش هدخل معاك..ادخل معاك شقتك..ليه هو انا مش متربيه
البنت اتنفضت پخوف وقالت...ان..انت بتزعقلي.....
و بقت تبكي جامد بصوت عالي ومزعج
عمار قال بسرعه..بس بس الناس حوالينا كلها نايمه يخربيتك اسكتي خلاص..
البنت بقت تشهق وقالت بطفوله..طب شيلني ..يلا شيلني
البنت قالت ..ليه انت هتروح فين
عمار قال بضيق..هعملك اي زفت يفوقك انا مش ناقص مصاييب..ولسه هيمشي الټفت لها وقال بتساؤل صحيح مقولتليش اسمك
البنت قالت بدلال..صدفه...صووو..دفااااااا...ها قولها كده
ومشي على المطبخ وهو بيقول..انا مش عارف اي المصببه الي جبتها لنفسي دي ..ده ايه البلاوي دي با ربي ..زي ما يكون فيا مغناطيس بيلم المصاېب حوليا
استوووووووووب..تعريف سريع..اولا عمار المنزلاوي حفيد عيله جاد المنزلاوي ووريث العيله ..رجل اعمال من العيار التقيل بيدير املاك العيله قوي في شغلو بس حياتو الاجتماعيه فاضيه جدا لا بيكون صدقات ولا بيوثق في اي حد خاصة الستات عمار شاب جميل جدا جدا قوي ووسيم لابعد الحدود عمره ٢٩ سنه
نرجع بقى عمار دخل المطبخ بقى يعمل قهوه وتليفونو رن رد وقال.... ايوه يا سيف
سيف قال..ايه يا ابني قلبت عليك الدنيا قالولي مشيت ايه الحكايه
سيف قال باستغراب.... فيه ايه يا ابني ايه الحكايه
عمار فاق لنفسو وقال..احم..لا ..لا مفيش بص..اقفل دلوقتي.. ولسه هيقفل معاه سيف قال بسرعه... لا استنى...جدك عايزك في القصر..تعبان وجابولو الدكتور
عمار قال باهتمام ايه..امتي
سيف قال..لسه من شويه كلموني بيقولو بيرنولك مش بترد
عمار لسه هيطلع افتكر صدفه انو مش هينفع يسيبها لوحدها ولا هينفع يا خدها في حالتها دي
طلع وقفل الكاست وقال...بس كفايه بصي..انا همشي دلوقتي..لازم انزل ضروري ...متتحركيش من هنا ..اياكي اجي الاقيكي عامله مصېبه مش هتأخر... من مكانك متتحركيش ..سامعه
صدفه هزت راسها بلامبالاه وقالت..ماشي
عمار نزل بسرعه وطلع على قصر عيلتو وطلع على اوضه جده على طول اول ما دخل كان جدو جاد المنزلاوي راجل في اواخرالسبعين نايم على السرير وحاطط جهاز التنفس
عمار قرب منو بحزن وقال..سلامتك يا جدي
جاد ودى وشو الناحيه التانيه بدموع
عمار قال بحزن..انت لسه زعلان مني يا جدي
قاطعتو ست في الاربعينات بلبس راقي جدا دي وداد مرات عمو قالت بضيق..ايوه يا خويا ده الي فالح فيه ساعه بنرنلك مبتردش وانت السبب في تعبو وجاي تسأل مالو..طب حتى رد على تليفونك ولا مستني لما يدفن حتى تيجي
عمار بصلها پحده وقال...ايه الكلام البايخ ده..وبعدين انتي مالك اصلا
وداد قالت..اهو ده الي انت فالح فيه قله الادب
