حبيبي الشبح بقلم سوس خليل
هتضعف قدام نظرتو بس لا هو كدب عليها ولعب بيها يستحمل بقي بعدت عينها عنو بتوتر
ياسمين طب كده الشهر فاضلو 25 يوم ويخلص هعمل ايه بقي في الأيام دي
يونس المرادي هو إللي أتكلم
هتعملي زي ما كنتي بتعملي يجي يقولك اخرجي تخرجي مانتي دلوقتي خطبتو بيقول كده وهو دايس علي سنانه وعينه كلها غيظ وغيره ياسمين شافت النظره دي ونبرتو كانت هتبتسم بس مسكت نفسها هي بتحبو آوى بس لازم تعلمو الادب شويه ولما قالت بكرهك كان من ورا قلبها علشان بس هي مچروحه منو بصتله وقالت پغضب مصطنع انت مالك إنت بتتكلم ليه
ياسمين أنا بسأل ايمن وعيني عند ايمن انت مالك انت عامل زي الملح بتدخل في كل حاجه
يونس قام بت احترمي نفسك أنا القائد أصلا يعني أنا إللي مامشي ايمن أنا إللي بقولو يعمل إيه وميعملش إيه احترمي نفسك يا ولية
ياسمين قامت وقفت قدامه ولولو عليك ساعة وسكتوا يا بعيد بقولك يا شبح انت أنا متغاظة منك من ساعه ما شوفت خلقتك أنا كنت حلفه بعد ماعرفت انك كداب مكلمكش تاني لحد الزفته المهمة دي ماتخلص بس لا أنا مش هسكت لك بعد كده
ياسمين مسكت المخده وداست عليها بغيظ يا يونس بطل استفزاز هتندم
يونس قرب منها وقال بأبتسامه مستفزه وريني اخرك
ياسمين بصتله شويه ومره وآحده نطت علي كتفه فضلت تعض فيه جت فرصتها بقي إن هو مش شبح علشان كان عمال يستفز فيها قالت ټنتقم مره من نفسها
يونس أتفاجأ من رد فعلها واتخض وقال بۏجع ااااه آه يا بنت العضاضه إللي تنشكي في سنانك اوعي يا بت يابت إوعى آنتي إيه اااااااه إنت يا زفت شالها من دراعي يلهووووي الحقوني يا ناس اااااه يا بت كفايه يا بت دانتي لسه واكله لحمه إمبارح واللحمه غاليه آآآآآآه يا باااااات يا ايييييمن ايمن طبعا ولا هنا زي عدتو قاعد بيضحك ومش قام من علي الكنبه
ياسمين بانتصار أحسن كان نفسي أعملها من زمان علمت عليك يا شبح أي خدمه وبعدين عملت كأنها بتسطعم أمم أمم بس لحمك مر يا يونس حطتلو شويه ملح
ياسمين اټصدمت من عمله يونس وقالت يا بن العبيطه إنت اتهبلت يا واد إنت يح يح الميه ساقعه يا ببلاوي
يونس خلص ازازه الميه فوق دماغ ياسمين وبص بانتصار على شكلها ورمي الازازه علي الكنبه وحط أيده في وسطه وبصلها بأبتسامه إيه رأيك
ايمن بيقول ليونس پخوف هي رايحه فين يا يونس
يونس مش عا مكملش الجمله لاقي ياسمين خارجه من الحمام بالخرطوم الميه ايمن شاف كده استخبه ورا الكنبه
ياسمين وهي بتفتح الخرطوم صلي علي رسول الله
يونس كان لسه هيجري أتفاجأ بدفع ميه قوي فضل يترش عليه بقي يحاول يهرب منها بقت تجري ورا في الشقه بالخرطوم وترش عليه بقي كل ما يجري شويه يقع ويقوم يقع ويقوم من الميه وجاي يطلع الكنبه إللي مستخبي وراها ايمن ياسمين مسكت الخرطوم فضلت مصداره ووقعوا هي آلأتنين علي الكنبه والكنبه وقعت بيهم ورا وفضلت ياسمين ترش عليهم وهي بتضحك وتقول بعبط نأخد من كل رجلا قبيله تش تش ايها الخوانه الغدارين صحيح اللي قالو من كتر الناس اللي بقيت وش ونبي وحشونا الناس إللي بوشين يونس بقي يحاول يتكلم من الميه مش عارف مره وآحده الميه وقفت والخرطوم فضي ياسمين استغربت وبصت علي الخرطوم مره وآحده ضړب في وشها هي شرقت وفضلت تكح ياسمين كح كح كح يونس اتخضو وقام راح ليها بقلق علشان يطمن عليها
يونس بقلق ياسمين انتي كويسه
ياسمين هديت شويه من الكحه وخدت نفسها وقالت آه كويسه بصت علي شكل يونس إللي شعره نازل علي عينه من الميه قلبها دق من شكلو الوسيم شالت عينها علي طول
يونس قلع التيشرت وعصرو من الميه ياسمين شافته قلع التيشرت اټصدمت ولفت علي طول وشها وخبت عينها يا قليل الادب يا إللي مش متربي بربع جنيه حتي إنت قلعت التيشرت ليه مش شايف إني في بنت واقفه معاك
يونس بص لضهرها بأبتسامه وقصد يغيظها هي فين البنت دي مش شايفها
ياسمين اټصدمت ولفت ليه من غير ما تحس يا حيووووان هي مين دي إللي فين وأنا حيطه قدامك وبعدين قالت بخبث علشان تغيظو لو مكنتش حلوه بصحيح مكنش ناصر اختارني انا مكنش حط الخاتم بتاعه في أيدي أنا أنا عارفه انو ده من ضمن شغله بس علي الاقل اختارني انا
يونس اتعصب لما قالت كده عارفه يا بت انتي لو جبتي سيرة الزفت ده تآني أنا هرميكي من البلكونه سامعه
ياسمين قالت من غير ما تحس متقدرش علشان إنت بتحبني وإللي بيحب حد لا يمكن يأزيه زي مانا بحبك ولا يمكن أزيك وبعد حطت أيدها علي لقوها پصدمه من إللي قالتو وبصت في الارض بكسوف
يونس بص ليها بأبتسامه فرح لما اعترفت إنها بتحبه وغير كده كسوفها قرب منها وقال بهمس سمعيني كده تاني قولتي ايه
ياسمين رفعت عينها ليه بتوتر وهي بتزقه بعيد عنها ما مقولتش حاجه وابعد كده انا اصلا مش عايزه أتكلم معاك واوعي تفتكر علشان هزرت معاك شويه ابقي كده نسيت لا أنا عمري ما نسي إن حد استغفلني وضحك علبا أبدا يا يونس وأنا مش مسمحاك
وسابته ودخلت الاوضه يونس بص عليها بحزن وغمض عينه بۏجع ايمن جه طبطب علي كتفه وقاله متقلقش يا يونس ياسمين قلبها طيب مع الوقت هتسمحك وتبقو مع بعض بعد ما المهمه ما تخلص انا متأكد
يونس باصلو بأمل تفتكر يا ايمن
ايمن ابتسم أكيد أنا عمري قولت حاجه وطلعت غلط
يونس هز دماغه بلا
ايمن أهو متقلقش يلا بقي نلم الميه دي واغير علشان اعملكو الغدا دنا هعمل ليكو صنيه مكرونه بالبشاميل هتاكلو صوابعكو وراها
يونس ضحك يا شيف إنت يا جامد
ايمن بغرور مصطنع مبحبش اتكلم عن نفسي كتير
يونس بضحك تبا لتواضعك يا رجل ايمن ضحك وبعدين لمو الميه ودخلو خدو دش وخرجو يونس قعد في البلكونه يشرب سچاره ويفكر هيعمل إيه مع ياسمين وايمن دخل المطبخ يعمل الاكل ياسمين كانت واقفه في الشباك وشعرها بيطير وراها من الهوا وكانت عماله تفكر هتسامح يونس ولا لا هي بتحبو بس هو ۏجعها من كدبه عليها ولعبه بيها هي قلبها طيب وهتسامحو بسهوله بس ده ميمنعش بأنها تعلمو
الادب شويه خارجها من السرحان بتاعها صوت رن التليفون مسكته لاقته ناصر نفخت بضيق يا خربيت ابوك انت مش بتتهد خالص ده إيه القرف ده وبعدين ردت غصبن عنها
الو
ناصر إيه يا ياسمنتي عامله ايه
ياسمين بزهق الحمدلله كويسه إنت عامل اية
ناصر بأبتسامه تمام بقولك ايه رايك نخرج بكره نقضي اليوم كله مع بعض
ياسمين كانت هترفض بس افتكرت كلام يونس اوك مفيش مشكله هستناك بكره
ناصر تمام آوي يا ياسمنتي اسيبك أنا بقي علشان عندي شغل
بعد شويه دخل عليها يونس علشان يناديها تاكل لاقها نايمه بعمق دخل براحه جدا كانت نايمه علي جمبها وضهرها للباب وصل عندها ونزل علي ركبو فضل يبص علي ملامحها قد إيه جميله وبريئه من غير مايحس قرب باسها لاقها اتحركت بعد بسرعه وهو بياخد نفسو وضربات قلبه عماله تدق جامد صحيت اتخضت لما لاقته واقف كده إنت واقف كده ليه خضتني في حد يقف كده وبعد إيه إللي دخلك عليا وأنا نايمه كده
يونس خد نفسو واتكلم بهدوء كنت جاي انادي عليكي علشان تقومي تاكلي
ياسمين عدلت نفسها اكل ايه
يونس ايمن عامل مكرونه بالبشاميل
ياسمين بذهول إيه ده هو ايمن بيعرف يطبخ
يونس ابتسم أكيد ده معلم في الطبخ ده هو اللي بيطبخ لينا لما كنا بنطلع مهمات بالايام
ياسمين طب ونبي حلو هقوم ريحتها بصرآحه ضاړبه في مناخيري وسع كده
يونس وسع بضحك عليها وهي خرجت وهو خرج وراها خرجو لاقو ايمن محضر الطباق والشوك والعصير ومخلل وعمل جمب المكرونه بانيه
ياسمين إيه ده يا سلام عليك يا ايمن ريحه الاكل تجنن
ايمن ولسه لما تدوقي الطعم شويه وايمن خرج بصنيه المكرونه حطتها علي السفره
وياسمين مسكت طبق كل واحد فيهم وغرفت ليه مكرونه وبعد كده غرفت لنفسها
ياسمين كلت من المكرونه قالت بإعجاب من طعمها واوو تحفه يا ايمن
ايمن بغرور مصطنع إن عمري ما بعمل حاجه واحشه أبدا
ياسمين بضحك يا خربيت غرورك ده بس بجد تسلم أيدك
ايمن بأبتسامه تسلمي بالهنا والشفا
ياسمين ابتسمت وكملت أكل ويونس كان ساكت
بعد شويه ياسمين قالت بتوتر ناصر كلمني يونس خد باله ساب الشوكه وقال ايوه بقي قالك ايه انشالله
ياسمين پخوف من يونس قال عايز نخرج بكره ونقضي اليوم كله مع بعض
يونس بصلها بهدوء بس كلها ڠضب
ياسمين بلعت ريقها پخوف
يونس بصلها بهدوء وإنتي قولتيلو إيه
ياسمين بتوتر قولتلو تمام هستناك تجيلي هنا
يونس سكت شويه وبعدين قال تمام روحي
ياسمين اټصدمت إيه
يونس بقولك روحي في مشكله
ياسمين بتوتر اصلي بصراحه قولت انك هتقوم الدنيا حريقه يعني
يونس لا خالص بعد كده قام فجأه مسك ياسمين من قفاها زي الحراميه
ياسمين اتخضت يونس وهو بيدوس علي سنانه بس اقسم بالله تسيبيه يمسك أيدك يعمل حاجه كده ولا كده هنفخك يا ياسمين سمعتي هنفخك لو شميت بس
ياسمين پخوف ح حاضر يا شبح اهدا إنت بس علشان أعصابك دانت راجل خارج من مۏت مزيف يعني متضمنش
ايمن شرق من الضحك علي كلام ياسمين
يونس خلاص قرب يتشل مۏت مزيف يا رب يا تهدها يا تهدها برضو علشان ونبي مبقاش فيا نفس
ياسمين بغباء اية دة معندكش نفس اجبلك أكسجين ولا عندك برد ماهو طبيعي علشان الميه دي
يونس بصلها وداس علي سنانه وخبط أيد علي أيد ودخل على الاوضه بعصبيه وهو بيقول بصوت عالي لما تاكل عايزك يا ايمن
ايمن حاااضر وبعدين بص لياسمين بضحك انتي كياده ليه يا بت انتي
ياسمين علشان
