العنيدة

ليه ماظهرش تانى! !!
ولولا بقية باقيه من كرامتى كان زمانى سألت مراة عمى 
يوم فرح أريج كنت بمنع نفسي ب قوة جباره انى مابصش ناحية أحمد ابن عمى مش عشان أحمد خالص انا فكرت وقتها إن اكيد عمرو ده موجود  
وكان عندى فضول رهيب انى اشوفه وكان عندى رغبه متوحشه انى اروح اخده قلمين عشان علقنى بكلمتين و اختفى بعدها بس طبعا كنت جبانه بما فيه الكفاية و خفت ابص ناحيتهم ده غير انى تخيلت مثلا انه موجود وباصص ناحيتى وطبعا مستحيل كنت ابص ناحيته وهو يشوفنى ببص عليه بقي ويفتكر انى مهتمه وللا بفكر فيه ابدا عمرى ما هعملها لو حتى ھموت 
كل كام يوم عريس ييجى هو وعيلته وأنا ايه بقي اتظبطت هدوم جديده كل شويه بابا يقول ننزل نشترى حاجه جديده الراجل كان مبسوط أوى باللى بيحصل قاعد بقي وبينقى براحته وكل مره يطلعلنا ب عيب شكل فى كل عريس و عيلته وإحنا ولا كأننا موجودين والله كانت الناس تيجى وتمشي وهو يسأل عنهم ويرفضهم ويخلص كل حاجة وإحنا بنعرف فالاخر ل مجرد العلم بالشيء 
كنت ھموت من الغيظ والڠضب من سيادة العقيد
مش عارفه انا ايه المعامله دى! !
ليه بيرفض حتى من غير ما يعرف رأيي! !
وخصوصا إن كان فى واحد فيهم استريحتله أوى بس سيادة العقيد قال إن أهله هيتعبونا بعد كده!!
آه أصل سيادة العقيد بيهتم أوى ب الحاجات دى وهكذا طاروا ال 4 عرسان بس هبط عليا واحد غيرهم بعدها ب شهر 
مصطفى 
دكتور فى مستشفى تبع المستشفيات العسكرية 
و ده بقي بالذات مش هخبي وظيفته الحقيقيه ولو كنت اقدر اقول اسمه الحقيقي كمان وبالكامل كنت قلت أتقدم حضرة الدكتور وحاز على إعجاب الكل بلا استثناء حتى ماما كانت مبسوطه بيه اوى و اتصاحبت هى ومامته من أول مقابله حتى عمى كان معجب بيه و ب أسرته حتى وليد جوز أختى نفس الشيئ والغريب فالموضوع بقي انى انا كمان كنت مستريحاله لبق كده وطموح جداااااااا ووسيم إلى حد ما لما قعدنا سوا انا وهو فى آخر الريسبشن كان كلامه مريح وأنا كنت مجهزه كام سؤال كده كان غرضي منها اعرف شويه عن شخصيته وطباعه وإن كان شديد وصعب ذى بابا وللا لأ 
يعنى مثلا قلتله انى هشتغل وهاخد تخصص مثلا ذى النسا بس خاېفه من حكاية النبطشيات وكده  
انا قلت كده عشان اسمع رده 
عادى مش حاجه تقلق خالص فالأول بس بيبقي الموضوع صعب شويه لكن لما تتعودى ولما تنظمى وقتك هتلاقى الموضوع سهل وبسيط 
اتفاجأت بصراحه ب رده ممممممممم يعنى بتكلم عشان البيت وال الأطفال بعد كده يعنى وكده 
عادى أمى موجوده ربنا يباركلنا فيها وهى اللى شايله ولاد اخويا وحتى لو الدنيا اتأزمت خالص ممكن تاخدى أجازه فتره مؤقته وبعدها ترجعى شغلك عادى
مبدئيا بدأت استريحله والحوار كان كويس حتى لما قلتله انى هبقي أيام أحب اجى ابات مع ماما واخواتى طبعا انا كنت بقول كده بس عشان أشوف رد فعله هو ما اعترضش وقالى إن كل ده سهل ومفيش مشكلة خالص
قلتله انى مش هقبل اتجوز قبل ما اخلص خالص وإنه ما يحاولش مع بابا فالموضوع ده خالص وهو وافق 
بابا و عمى سألوا عنهم كتير اوى 
وهم زارونا تانى بس هو ماطلبش من بابا إننا نقعد تانى مع بعض مع إنى كان نفسي أوى اقعد معاه تانى عشان أعرفه اكتر واستريح اكتر ولما قلت كده ل بابا اكتفى بس ب انه وجهلى واحده من نظراته القاتله وقالى مش هيحصل لحد ما يتفقوا الأول 
بجد مش فاهمه ليه كل الابهات مايبقوش حنينين!!
ليه يكون فى أولاد يتمتعوا مع اباهات كويسين وأولاد يقاسوا طول حياتهم بسبب قسۏة غير مبرره من اهاليهم استغفر الله العظيم واتفقوا فعلا 
و تمت خطوبتى ل حضرة الدكتور 
العنيدة قصة حقيقية بقلم سماح سماحه
مصطفى !!!!!!!!!!!!!!!!!!!!
بالنسبالى كان مصطفى شخص حواليه علامات استفهام كتيره أوى هو شخصية لبق شيك مش خنيق ولا بتاع تحكمات وغيره وكده ده اللى كان ظاهر لكن بالنسبالى كنت بدور على حاجات تانيه أو بمعنى أصح كنت مستنيه منه حاجات معينه 
أنا اتخطبتله فى أول سنه خامسه وكنت أنا داخله الخطوبه دى متحمسه و سخنه عالاخر متوقعه بقي تليفونات ورسايل وهدايا وشيكولاته ورومنسيات والحاجات الحلوه دى وفضلت مستنيه إلى مالا نهاية وكنت كل شويه اشتكى ل مروه بنت عمى مروه كنت قلتلكم قبل كده إنها بنت عمى الكبير كانت لسه سنجل فالوقت ده كانت 36 سنه وقتها واتخطبت قبل كده حوالى 3 مرات وكنت بحبها ومرتبطه بيها جدا وكل اسرارى كانت معاها حتى اكتر من ماما نفسها 
لأ يا مروه  
انت قبل كده قلتيلى إننا لسه فى أول الخطوبه والحاجات دى بتاخد وقت واننا لسه مانعرفش بعض و انى انا اللى مستعجله أوى ومستنيه منه حاجات ذى اللى كان بيعملها وليد مع أريج أو اللى بيعملها خطيب علياء صاحبتى وأنا صدقت وقتها واقتنعت كمان بس دلوقتى احنا مخطوبين بقالنا 7 شهور يا مروه 7 شهور كاملين وهو ذى ما هو مفيش أى تغيير لما بييجى يزورنا وتشوفيه وهو بيتكلم مع بابا ولا ماما ولا اخواتى وللا وليد حتى تقولى انه أحسن واحد فالدنيا بيعرف يتكلم لكن لو حصل وفضلنا لوحدنا انا وهو بيكمل على نفس الوضع بيتكلم معايا بطريقة رسمية أوى تغيظ ويكلمنى عن شغله وعن دراستى وعن أهله مفيش كلمه واحده خارج النطاق ده والله وللا الرسايل دى لوحدها مصېبه مضمونها كالتالى اتاخرتى ليه حصل حاجه وللا إيه 
مش بتردى عالموبايل ليه 
ذاكرى يا مرام عشان خلاص مفيش وقت 
لما تصحى عرفينى 
وهكذا 
بفضل طول الوقت مستنيه منه أى كلمه وللا حتى نظره مختلفه وللا رساله من اللى المفروض أخاف إن بابا يشوفها ف اضطر اخبيها بقي وكده بس مفيش حاجه خالص ده أنا فاكره أيام خطوبة أريج كانت بتترعب لما تنسي تمسح أى رساله أول ب أول
وللا المكالمات دى بقه قصة تانيه خالص وليد نفسه كان بيتعمد يتصل وبابا مش موجود عشان يتكلموا براحتهم لكن انا بقي عرض خاص ده أنا بكلمه قدام بابا والكل فالبيت عادى لدرجة إن بابا مبسوط أوى انى بتكلم قدامه كل المكالمات بيسالنى عامله ايه و اهلى أخبارهم ايه والكليه والمذاكره وبس بذمتك انت ده طبيعى !!
هتجنن يا مروه عمره كده ما افتكرنى بشيكولاتايه وللا كيس شيبسي حتى ده خطيب علياء طول فترة امتحانتنا كان مظبطها عصاير وشيكولاتات ولب وشيبسي كان بيقولها يبقوا جنبها وهى سهرانه تذاكر وأنا اهه امتحنت وخلصت واجزت كمان وهو ولا هو هنا مش عارفه عامل فيها عبيط وللا هو عبيط فعلا وللا إيه !!
انا اصلا شاكه انه بخيل يا مروه 
مش للدرجادى يا مرام إنت بس بتقولى كده عشان متضايقه منه شويه 
لأ والله يا مروه  
ده إحساسي فعلا ده عمره ما جاب حاجه معاه وهو جاى لينا الزيارات اللى مامته وللا باباه بيجوا فيها معاه هى بس اللى بيجيبوا فيها حاجه إنما هو مكبر دماغه عالاخر وأنا كل اللى شفته منه لحد دلوقتي هى عيدية العيد الصغير والكبير  
يللا قولى بقي إن كده عادى بردوا 
بصي هو فعلا يعنى ممكن مايبقاش عادى أوى
بس خلينا نقول مثلا انه مابيفهمش فالحاجات دى أو ما يعرفهاش أو نقول أنه شخص عملى زياده  
عادى اسمع إن فى ناس كتير كده 
مع انى مش مقتنعه خالص ب انه عملى وكده
بس حتى لو كلامك صح انا مالى !!
ايه ذنبى اتجوز حد كده !
ناقصنى ايه عشان أعيش فترة خطوبة حلوه كده ذى الناس الطبيعيه اللى حواليا !
مش معقول أفضل طول عمرى عايشه فى بيت اهلى على الړعب والخۏف والقلق ومن غير اى حنان من ابويا ده كله على أمل انى لما اتخطب واتجوز هشوف حاجه من اللى اتحرمت منها  
يطلع بقي سي الدكتور ده هو اللى من نصيبى !
طبيعة شغله بردوا يا مرام ممكن تكون ماثرة عليه طول الوقت فى مستشفى عسكرى وقوانين والتزام وۏجع قلب 
انا ماااااالى  
لما هو كده فالخطوبه هيعمل ايه بعد الجواز !
وكمان ده واحد بيعرف يتكلم أوى مع الكل ومانكرش إن كلامه معايا بردوا كويس بس مش كلام اتنين مرتبطين وهيتجوزوا لأ كلام اتنين زمايل فالشغل أو حتى قرايب من بعيد والله العظيم يا مروه انا لحد الآن فى حاجات كتير معرفهاش عنه وكنت الأول بفضل افتح معاه حوارات عشان يتكلم بقي ويبدأ يتعود على انى خطيبته والمفروض نتكلم سوا وكده 
بس هو طول الوقت بيقفل فالكلام يادوب كام كلمه وخلاص مش بقولك انه بخيل  
والله حاسه إنه مش بيطول عشان الشحن والفلوس لكن لما يبقي عندنا بيفضل يتكلم ويتكلم لحد ما يجبلى الضغط بكلامه اللى مالوش لازمه ده  
أنا تعبانه أوى يا مروه حزينه جدا وحاسه انى مقهوره كده  
الخطوبه دى طابقه على نفسي وجايبالى هم وغم طول الوقت  
مش حاسه إنى فرحانه ولا حتى بحلم ب جوازنا  
عايشه الأيام اللى بتعدى كده وخلاص  
والله يا مرام انا خاېفه اقولك سيبيه واخلصي عشان أنا عارفه عمى هيبقي صعب أوى يوافق تفسخى الخطوبه  
وبردوا خاېفه نكون بنظلمه 
طيب بصي اصبرى شويه وانت بردوا حاولى بطريقة كويسه كده تلفتى انتباهه للحاجات اللى بتضايقك يمكن يتغير أو ياخد باله 
لسه هصبر تانى !
وأنا كمان اللى هروح اشحت منه الاهتمام !
ماتكبريش الموضوع يا مرمر الراجل انتى بنفسك قلتى انه محترم معاكى ومع عيلتك ومش بيخنق عليكى ومن يوم ما اتخطبتوا ماتخانقتوش خالص ومش بيتعدى حدوده معاكى ب أى شكل ومن عيله كويسه و أهله بيحبوكى يعنى عنده مميزات اهه 
ومفيش حد كامل يا حبيبتى  
وسمعت كلامها وكلام ماما و أريج وقلت أصبر
والصبر ده خد من عمرى كمان سنه كنت فى اخر سنة البكالريوس وطبعا مهما فضلت احلفلكم إن الوضع بينا فضل كما هو مش هتصدقونى وطول السنه دى وأنا بحاول معاه وهو بنفس الشكل وكأنه متبرمج على كده ولا عيد حب بقي ولا أى كلام فارغ من ده وأنا بدأت أتأكد اكتر انه بخيل العيديه فى العيدين وهدية ل عيد ميلادى ولما لمحتله انى بحب الشيكولاته ماشفتش منه أى رد فعل ولما مره كان جاى عندنا طلبتها منه جابها وبعد كده مابقاش يجيبها
غير لما اطلب انا ومع الوقت بطلت اطلب وهو بطل يجيب 
ماما كذا مره تشتكي ل بابا إنه مش ب يجبلى هدايا ذى العرسان ولا بيدخل علينا بحاجة وهو جاى