العنيدة
طبعا جايين وفاهمين انى متربيه على كده ومش هقدر أعترض
لو كان كلامك صحيح كنت كلمتنى المره اللى فاتت عن حكاية إنك مستعجل على الجواز وعايزه فى خلال 4 شهور مثلا وماكنتش حطتنى قدام الأمر الواقع ذى ما حصل وخليت باباك اللى يبلغ بابا
أنا أنا مش عارف انت فهمتيها كده اذاى! !
بجد انا مش فى نيتى خالص الفكره اللى جت فدماغك دى و أصلا القعده اللى فاتت ماكانتش ساعات عشان الحق اكلمك فى كل حاجه و مش عارف اقولهالك اذاى بس أكيد مش قصدى حاجه وحشه ولا نيتى سيئه
يعنى إنت عارف من الاول انى مش هيبقالى رأى بعد رأيه يبقي ده مالوش معنى غير إنك قاصد كده و معتمد عليه كمان
وأنا بقي بقولك اهه انى حتى لو حصل ووافقت على الجواز فمستحيل هعيش فى شقه على ذوق خطيبتك السابقه ومستحيل هتجوز واحد وأعيش معاه عمري كله من غير فترة خطوبة كافيه انى اقدر أعرفه كويس واطمنله
يعنى إنت عايزانى اطلع مثلا اقول للكل معلش
انا رجعت فكلامى ومش عايز بنتكم بعد السنين دى وبعد ما قلبت الدنيا طول الاسبوع اللى فات عشان اتمم الموضوع
وللا عايزانى اهدم كل حاجة بسبب ظنون ووهم وتخيلات فدماغك لوحدك !
وللا متخيله إن الحاجات اللى حكتيها دى واللى ممكن تتحل بسهوله جدا ممكن اسمحلها تبوظ كل حاجة
هو طول الوقت كان هادى لكن فالاخر كده بدأ يتعصب شويه وأنا أصلا كنت بتكلم بعصبيه برغم إن العصبيه مش طبعى عامة فالحوار بدأ يبقي صعب شويه متوقع طبعا إنك تشوف كلامى وشكوتى مجرد أوهام وظنون ماهو انا فى نظركم المفروض مايبقاليش رأى اصلا بعيد عن رأيكم
انا بقول إن الحاجات اللى مضيقاكى دى هحلها بسهوله بإذن الله حتى لو اضطريت اهد كل اللى عملته فالشقه واعملها تانى على ذوقك
ومعاد الفرح ياسيتى حدديه وأنا مسؤل انفذه
بعد ايه
كان من الاول لكن دلوقتى خلاص مالوش لازمه
و ذى ما دبستنى فالموضوع مع اهلى ف المفروض دلوقتى انك انت اللى تتصرف وتحله
انا مش مصدق اللى بتقوليه والله وليه مصممه كده على رأيك واتهاماتك مع إنى فسرتلك كل حاجة
مرام معلش ردى عليا بصراحه الأسباب اللى قلتيها دى هي السبب فى كلامك ورأيك ده وللا فى حاجه تانيه مش عايزه تقوليها
أعتقد مش هيفرق
لأ هيفرق كتير معلش ردى عليا
لأ مفيش أسباب تانيه وأعتقد اللى قلته كفايه
نعم !!
يعنى ايه هتعمل ذيهم وتخطبنى بالعافيه
لأ مش ذيهم
ومش بالعافيه إنت المره اللى فاتت كنت شايف منك قبول كبير والحوار بينا كان رائع
وأنا عملت استخارة وتوكلت على الله
وحتى لو ذعلتى منى دلوقتى شويه بإذن الله هصالحك وهيبقي عندى وقت كبير اوضحلك كل حاجه وبإذن الله هتعرفينى كويس وهتعرفى انك ظالمه ومفتريه كمان و بيقولها وهو مبتسم وهادى جدا
نعم !!!!!!!
إنت إنت بتشتمنى !!
ايه اللى بيحصل ده
شتيمة ايه يا بنتى !!!!!!
بغض النظر إنك تستاهلى الشتيمه والله بس انا بوصف اللى بتعمليه مش بشتمك
كنت متوقع انك عنيده شويه بس ماكنتش متخيل للدرجادى
وللأسف وعشان حظك وحش واضح إن العند ده عجبنى
ايه الواد ده وماله بيعمل كده ليه وماله مبسوط أوى بكلامى كده اهبل ده وللا ايه !!!! انت بتهزر صح
وقبل ما نكمل كلامنا دخلت علينا مراة عمى وقالتلنا ندخل عشان نقرأ الفاتحه معاهم
وبصيت ل عمرو وبقيت شايفاه قدامى كأنه شيطان
عمرو طبعا مهما حلفتلك دلوقتى مش هتصدقي انى معرفش حاجه عن قراية الفاتحه دى ولا اتفقت عليها مع بابا ولا حاجه بس منكرش انى كنت من جوايا عايز كده انهارده ومبسوط أوى كمان ويللا ندخل عشان نلحقهم قبل ما يبدؤا
وسبنى ودخل هو و مراة عمى
ايييييه البجاحه دى! !!!!!!!!!!!
دخلت عليهم لقتهم آخر انسجام
و سي عمرو قعد جنب بابا
ولقيتهم فعلا بدؤا يقروا الفاتحه
طيب مفيش حد فيهم فكر مثلا انى ممكن أكون مش موافقه
محدش فيهم قال حتى يمثل ويعمل انه بيسالنى عن رأيي
الكل بدأ يقرا الفاتحه وكانوا مبسوطين جدااا
اللا انا
لا قريت معاهم ولا كنت حاسه ب أى حاجه خاااالص
قاعده معاهم وبتفرج عاللى بيحصل وكأنى بشوف فيلم هابط أو بحضر قراية فاتحة واحده غيرى
وبعد ما خلصوا قعدوا يباركوا لبعض
تخيلوا !!!!!
وبعد ما باركوا لبعض وباركوا للعريس
افتكرونى بقي وقالوا ييجوا يباركولى
كنت بسلم عليهم من غير أى تعبير ولا إحساس
وحاولت مامته تاخدنى من ايدى واقعد معاها جنب البيه العريس
بس انا سحبت ايدى منها وروحت قعدت جنب أريج
ضحكوا واعتبروا انى عملت كده عشان مكسوفه بقي والفيلم ده
بقية القعده كنت حاسه إن عمرو بيبصلى بس انا ولا مره حاولت ابص ناحيته وصممت انى أعتبره مش موجود
وبقت أريج طول الوقت تحاول معايا ابتسم أو ابص ناحيته بس انا صممت عاللى فدماغى
أصل مادام الكل اعتبرونى مش موجوده وهمشونى يبقي ماينتظروش منى انى ابقي ذى أى عروسه وافرح بقي وأعيش الدور
وخلصت القعده الكارثيه دى
وبدؤا يسلموا ويخرجوا ورا بعض
ولما جه الدور على المفروض انه يبقي حمايا عشان يسلم عليا مابقتش عارفه أعمل إيه
لأن بابا مش بيرضي تماما إننا نسلم بالايد على اى راجل حتى لو كبير فى سن بابا
وحمايا السابق عمره ما سلم عليا بالايد كان بينا كلام آه بس من غير اى احتكاك مباشر
لكن والد عمرو ده جه سلم عليا بالايد وفضل يتكلم معايا شويه ويطبطب على كتفى وأنا بقي برغم إنى كنت خاېفه شويه من بابا واللى ممكن يعمله معايا بعد ما يمشوا بسبب وقفتى دى معاه
بس كنت من جوايا مبسوطه أوى وبقي نفسي اقوله مادام دول اختيارك وموافق ومبسوط بيهم يبقي مالكش أى حق تتكلم معايا ولا تلومنى
وعشان اغيظ بابا اكتر بقيت أضحك معاه و أطول فالكلام
وفوسط كلامى معاه لقيت سي عمرو ده جه حشر نفسه معانا
فضلت مابصش ناحيته ولا اوجهله كلام
وباباه سابنا مع بعض وراح يسلم على عمى
عمرو مبروك يا مرام عقبال ما اباركلك يوم كتب كتابنا بإذن الله
مرام
ممممممممممم إنت مخصمانى بقي وكده
طيب قوليلى ايه يرضيكى عشان اصالحك
طيب ده انا لو حكيت ل أى حد إننا اتخاصمنا يوم قراية الفاتحه مش هيصدقنى والله
ممممممممممم مممم طيب هم اللى زعلانين بيبقوا حلوين أوى كده وللا إنت بس اللى بتحلوى لما بتزعلى
طيب انا هاخد رقمك اذاى دلوقتى وانت مخصمانى
ده انا فرحت لما باباكى وافق وقالى اخده منك طيب ادينى الرقم وبس وأنا هصالحك والله بس لما اروح وأعرف اتكلم معاكى براحتى عالموبايل
مرااااام طيب ردى عليا ب أى كلمه انا خلاص ماشي لأنهم خلاص كلهم نازلين اهه
ماتضيعيش فرحة يوم ذى ده عشان خاطرى
وباباه نداله ومشيوا
وأنا لا رديت عليه ولا بصيت ناحيته اصلا
عارفه إن كتير منكم هيلومنى ويقول انى غلطانه وللا بتدلع وللا حتى مش حاسه بنعمة ربنا عليا
بس انا والله كنت من جوايا مقهوره اووى
أول مقابله ليا مع عمرو انا كنت مبسوطه بيه بعدها
وكنت من جوايا بتمنى الجوازه تتم على خير برغم إنى قبل ما اقابله كنت واخده موقف منه هو وابن عمى
بس لما قابلته الوضع اتغير واستريحتله أوى
بس دلوقتى بقيت خاېفه
خاېفه يطلع غير ما تخيلت
عارفين ممكن منكم يشوف إن الحركه بتاعته لما سابنى فالبلكونه ودخل يقرأ الفاتحه ممكن تشوفوها حركه رومانسيه أو أنه ب يحبنى ومصمم يتمم الموضوع وكده
وأنا والله نفسي يبقي كده فعلا
بس انا خاېفه تكون دى طريقته معايا على طول
انى مهما أعترض على حاجه أو ابقي عايزه أى حاجه هو هينفذ اللى فدماغه مهما كان رأيي
يعنى هيعمل ذى بابا يتحكم ويمشي كلمته وخلاص وأنا مايبقاش ليا أى دور فى أى حاجه مهما كانت صغيره أو كبيره
وخاېفه يطلع كويس ذى ما بحلم
خاېفه اتعلق بيه وبعدها هو يسبنى
ماهو اكيد هيسبنى لأن طبعى فعلا مختلف عن اللى فخياله
ده واحد ساب خطيبته عشان عنيده ومش بتسمع كلامه وبتدلع بزيادة
طب ما أنا الكل بيقول عنى كده
بيقولوا انى عنيده وانى مش بسمع الكلام بسهوله وعلى طول بنفذ اللى فدماغى
وأنا من جوايا نفسي أوى اتدلع على خطيبى وللا جوزى
نفسي أعيش حاجات اتحرمت منها
أشوف بقي دلع وحنيه وهزار وروقان ومشاعر حلوه كده
خلاص بدأت أحس إنى عايشه أوهام وإن الحاجات دى مش موجوده اصلا برغم إنى واحده من صحباتى ربنا كرمها ب زوج ما شاء الله كويس جدا يعنى موجود اهه مش أوهام
كان نفسي أوى انهارده أفرح ذى أى بنت طبيعيه
و عمرو بيكلمنى قبل ما يمشي بقي نفسي أوى أرد عليه وانسي كل حاجه واهزر واتكلم معاه واقوله انى هفضل مستنيه لحد ما يتصل بيا وتبقي اول مكالمه لينا سوا
كان نفسي اقوله انى قراية فتحتى المره اللى فاتت على مصطفى قعدت طول الليل بعدها استنى يتصل بيا بس هو ما عملهاش ولا
حتى بعتلى رساله
كان نفسي اقوله انى انهارده قريت الفاتحه بينى وبين نفسي ودعيت ربنا يحققلى اللى بتمناه ويريح قلبى ويباركلى فيك
كان نفسي فى حاجات كتير اوى بس معرفش ده حظى الۏحش وللا انا اللى طبعى وحش وللا يكون فعلا عمرو مش كويس ويكون ده نصيبى وخلاص
نادوا عليا ماما ومروه واريج ومراة عمى عشان اقعد معاهم
بس انا ماكنتش قادره
دخلت اوضتى وقفلت الباب وفضلت اعيط كتير اوى
كنت مخنوقه وحاسه إن روحى بتطلع
فضلت كتير اوى اعيط لحد ما طاقتى خلصت وحتى بعد ما مروه دخلتلى لقيت نفسي بعيط بزيادة
وفضلت هى تهدى فيا بس انا نفسي مابقتش عارفه مالى
حرام عليكى والله
ليه يا بنتى كل ده !!
ده عمرو والله عريس تتحسدى عليه
ما شاء الله ربنا يباركلكم سوا
اعقلى يا مرام وماتبوظيش
