نوفيلا ضي وإبراهيم بقلم عبير سليم
و تشغله و تخليه معندوش وقت يبص كده و لا كده لازم تحاصره و تحاصر قلبه طول الوقت و بالفعل اهتمامها بيه بقى اكتر من الاول كمان لدرجة انها بدأت تهمل ولادها و مذاكرتهم عشان تهتم بيه هو و بس
كل يوم عند الكوافير بتعمل شعرها و بتغير في شكلها كل بومبن تشتري هدوم جديده كل شويه تتصل عليه وحشتني يا حبيبي و حترجع امتى ده غير بقى انها يوميا عاوزاه معاها لدرجة انها مبتراعيش انه راجع من الشغل تعبان و من حقه يستريح هو بيحاول يكون لطيف معاها و يلبلها احتياجاتها لكن كده كتير عليه خصوصا انه تعبان من المجهود الكبير اللي عليه في الشغل مالك يا بسمه انتي مش ملاحظه ان كده أوفر أوي
إبراهيم ايوة اوفر لاحظي إني باجي من الشغل تعبان و هلكان
بسمه طب ما هو المفروض اني بخفف عنك و بنسيك تعبك
لاء انت اتغيرت يا ابراهيم انت مكنتش كده ده انت لما كنت في القاهره مكنتش بتبقى عاوزني اقوم من حضنك لحظه ده انا كنت بتسحب من جمبك عشان اعملك حاجه تاكلها او تاخدها معاك و انت مسافر
ابراهيم وقتها كنت بنزل ليلتين في الأسبوع و كنتي بتوحشيني و بيكون عندي طاقه شايلهالك طول الاسبوع يا بسمه لكن دلوقتى انا معاكي كل يوم يا حبيبتي
ابراهيم و انا بحبك يا ست الكل بس الاعتدال مطلوب بردو
بسمه ماشي اللي يريحك يا حبيب قلبي انا المهم عندي تكون معايا و فحضني دايما
ابراهيم انا معاكي يا بسمه و حفضل معاكي العمر كله يا حبيبتي
في صباح يوم جديد يروح الشركه كالعاده
ضي تعالي عاوزك
ابراهيم عاوز أشوف الموظفين الجداد بالشركه عشان يعرفوا الشغل كويس
ضي تمام يعني حتعملهم اجتماع
ابراهيم أيوة بلغيهم إن في اجتماع الساعه عشره ان شاء الله
تخرج ضي و تبلغ رؤساء الأقسام إن في اجتماع للموظفين الجد
الساعه عشره يدخل ابراهيم قاعة الاجتماعات و يستقبل الموظفين و يتعرف عليهم و يبلغهم بكل المطلوب منهم و طبيعة شغل الشركه و فجأة يلفت نظره واحد منهم و ان شكله مش غريب عليه يطلب من الجميع الانصراف ما عدا هو
الحمد لله انك افتكرتني انا بصراحه افتكرك و عرفتك من اول لحظة دخلت فيها الاجتماع لكن انحرجت اني اكلمك بين الموظفين
ابراهيم مختار مش كده مختار عابدين
مختار بالظبط كده ازيك يا ابراهيم قصدي يا مستر ابراهيم
ابراهيم ابراهيم طبعا يا جدع ياخده بالحضن و هو مش مصدق نفسه انه شاف حد من دفعته
مختار خسيت كتير السكر بقى
ابراهيم يا حبيبي الف سلامه عليك متعرفش انا مبسوط ازاي اني شفتك
مختار و انا كمان و الله يا ابراهيم كنت فين السنين دي كلها
ابراهيم كنت بشتغل في القاهره
مختار لسه بتشوف حد من دفعتنا اكيد طبعا بتشوف بسمه ما هي كانت صاحبة ضي صحيح انت و ضي عاملين ايه زمانكم طبعا اتجوزتوا و خلفتوا ياااه عمري ما حنسى قصة الحب اللي كنتوا عايشينها كانت ايام و الله بس يا ترى بقى الحب لسه موجود بينكم و اللا راح مع الأيام و ضغوطات الحياه بس لاء معتقدش يكون راح لأن اللي بينكم استحاله يروح ابدا مالك يا ابراهيم ساكت ليه هو في حاجه
مختار متجوزتش ضي ازاي امال اتجوزت مين
إبراهيم انا اتجوزت بسمه
مختار بسمه بسمه مين بسمه صاحبة ضي
ازاي الكلام ده ايه اللي لمكم على بعض و ايه اللي جاب بسمه لضي انا مش فاهم حاجه
ابراهيم نصيب يا مختار
مختار بس اكيد في سبب
ابراهيم دي حكايه طويله اوي يطول شرحها
مختار يا ترى ممكن تحكيلي يا ابراهيم و اللا عندك مانع
ابراهيم بالعكس خالص يا ريت و الله احكيلك لأن جوايا حاجات كتير اوي متلغبطه و نفسي ارتاح منها
مختار احكيلي يا ابراهيم طلع كل اللي جواك و ربنا يقدرني و اخفف عنك وجعك
ابراهيم تفتكر يا مختار
مختار و مفتكرش ليه مفيش ۏجع ملوش دوا
ابراهيم يارب يا مختار يارب
الفصل الرابع
سارقة عشقي
عبير سليم
يالها من ذكريات عشنا معها لسنوات بحلوها و مرها اخذت من عمرنا و حياتنا و لم تترك بداخلنا سوى حطام
نعم تعايشنا مع الواقع و لكن ما بداخلنا لا يعلمه إلا الله
صراحه كل الكلام اللي انت قلته ده انا مش قادر اقتنع بيه و لا قادر يدخل دماغي انا عارف يا ابراهيم انك مبتكدبش لكن كمان أنا مش قادر اصدقه في مثل بيقول إذا كان اللي بيتكلم مج نون يبقى المستمع عاقل
كلنا في الدفعه كنا عارفين كويس اوي اد ايه انت و ضي كنتوا بتحبوا بعض ده كنتوا مبتفارقوش بعض لحظه يبقى أزاي فجأة كده لقت نفسها مش بتحبك لا و كمان بتحب واحد تاني و اتفقت معاه على كل حاجه طب امتى و ازاي و انت بتقول انكم كنتوا مع بعض طول الوقت و بتقول كمان انك لما قلتلها انك حتتقدم هي فرحت جدآ يبقى ازاي اقنعني
ابراهيم بس هو ده اللي حصل يا مختار
مختار طب هل انت سألتها اذا كانت هي فعلا اللي بعتت الجواب ده و اللا لاء
ابراهيم مكنتش محتاج اسألها لاني كنت متأكد انها هيا اللي بعتته ده خطها اللي طول عمره مميز و انا اقدر اطلعه من بين الف خط
مختار أيوة انا فاكر ان خطها كان مميز كانت بتكتب بطريقه غريبه كأنها بترسم خطها بالحبر تحسها عايشه في أيام الجاحظ و ابن سيبويه
ابراهيم بالظبط كده و ده اللي اكدلي انها هيا اللي كاتباه الشك مدخلش قلبي لحظة انها مش هي الي كتبت الجواب و بعدين ياريته كان الجواب بس يا مختار كنت ممكن اكدب عينيه واقول لاء مش هيا لكن ده تاني يوم ما بعتت الجواب علطول شفتها بعنيه و هي قاعده معاه في كافيتيريا عالبحر و كانت بتضحك و صوت ضحكها كان عال جدا في المكان
مختار و انت مرحتش واجهتها
ابراهيم لاء
مختار ليه
إبراهيم معرفش اللي حصل انا وقتها حسيت اني مش لول عا جز مش قادر اخد قرار و لا عارف أعمل حاجه وكمان وقتها كانت بسمه معايا شدتني من ايدي و طلبت مني إننا نمشي و قالتلي انا معاك و مش حسيبك
مختار و بعدين يا ابراهيم ايه اللي حصل بعد كده
ابراهيم لقيت نفسي بين يوم و ليله بتقدم لبسمه و بخطبها و بتجوزها كل ده حصل امتى و ازاي انا مش عارف مش فاكر حاسس ان الفتره دي واقعه من ذاكرتي كان كل هدفي وقتها إني اثبتلها اني مش حم وت بعدها و اني حتجوز اعز صديقه ليها و حنساها
مختار و بسمه ازاي عملت كده انا مش فاهم حاجه
يعني ضي هي اللي بعتت الجواب مع بسمه مش كده طب هل هيا اللي قالت لبسمه كمان انها تجيبك عشان تشوفها و هي مع حبيبها
ابراهيم هي بسمه وقتها جت و قالتلي ان ضي باعته معاها الجواب ده
و انا طبعا اول ما قريته اټصدمت و مبقتش مصدق
و بسمه قالتلي انها بكرة حتقابل الشخص اللي بتحبه و انها مستعده تاخدني و توديني و توريهملي بنفسها
و فعلا رحت معاها و شفتهم بعنيه
مختار طب ماشي خليني معاك بس بسمه مش المفروض تكون جمب صاحبتها انا اللي فاكره انهم كانوا صحاب اوي دول كانوا بيبدلوا اللبس مع بعض
ابراهيم ايوة فعلا
مختار طيب يبقى ازاي صاحبتها تسيبك و هي ترتبط بيك
إبراهيم عشان هي كانت بتحبني و صعبت عليها و صعب عليها اللي ضي عملته فية فقررت انها تقف جمبي و ووعدتني وقتها انها مش حتسيبني غير لما تنسيني حبها
مختار معلش انا بس عاوز افهم حاجه هي حبتك امتى و المفروض انك انت و صاحبتها بتحبوا بعض
يعني هي كانت بتحبك و انت بتحب صاحبتها و اللا هيا فجأة كده اتعاطفت معاك و حبتك
ابراهيم لاء طبعا هي حبتني لما حست بضعفي و باحتياجي لحد يقف جمبي وقتها
هي حست انها بتحبني
مختار و على كده بقى يا ابراهيم هي اتجوزت الشخص اللي انت شفته قاعد معاها
ابراهيم لاء و ده اللي انا استغربتله
لأني انا شفت وشه كويس اوي تقدر تقول حفظت معالمه و لما هي اتجوزت مامتها نزلت الصوره عالفيس انا فاهم هي نزلتها عشان انا اشوفها و اعرف ان بنتها اتجوزت
لكن لما بصيت على صورة العريس لقيته واحد تاني خالص مش هو ده اللي ضي كانت قاعده معاه في الكافتيريا
مختار و مسألتش بسمه
إبراهيم سألتها و قالتلي انها ممكن تكون سابته لما لقت حد تاني احسن منه
مختار و انت طبعا اقتنعت بالكلام ده بس تعرف يا اخي انا بقى مش مقتنع مش عارف ليه كل الفيلم ده مش داخل دماغي
إبراهيم بس هو ده اللي حصل
مختار ماشي يا ابراهيم بس قللي هل بسمه فعلا نجحت في انها تنسيك ضي
هل انت قدرت تتخطاها و تنساها
ابراهيم بص يا مختار انا منكرش ان بسمه زوجه بكل ما تحمل الكلمه حبها لية فوق الوصف اخلاصها لية و خۏفها علية حاجه فوق الخيال ملوش حدود ارجع من الشغل تاخدني في حضنها تقلعني الشوز بنفسها تحطلي رجلي في ميا و ملح تتمنى لي الرضا ارضى دايما جنبي و فضهري
مهتمه بالولاد و بتحترم اهلى و دايما بتزورهم و مفيش عيد ام و لا عيد ميلاد بابا الله يرحمه او ماما الا و لازم تجيبلهم الهدايا يمكن هي بس ايناس اختي هي اللي دايما مش متوافقين مع بعض
مختار طب ليه
ابراهيم مش عارف بس انا طول الوقت بحس ان ايناس مبتحبهاش انا حتى عرفت من فتره كده انها هيا و ضي اتصاحبوا على بعض بحكم ان ولادهم في سن واحد تقريبا
مختار طب مش يمكن ضي قالتلها حاجه خلتها متحبش بسمه
ابراهيم اكيد طبعا قالتهلها ان بسمه كانت صاحبتي و اتجوزت اخوكي
مختار طب انت ذكرت كل مميزاتها و انها ماشاء الله عليها زوجه محترمه و مخلصه و محبه و فيها كل الصفات الجميله اللي اي زوج يتمناها فزوجته بس هل يا ترى كل المميزات دي قدرت تنسيك ضي
ابراهيم لاء لاء يا مختار انا عمري ما نسيتها عمري ما بطلت افكر فيها عمري ما قدرت امنع نفسي من اني افتكرها دايما بسأل نفسي ليه
